لراوبر ویب پاڼه لراوبر يو افغان – تازه خبرونه
د افغانستان د کرکيټ الف لوبډلي نن د پاکستان د سند ايالت په حيدرآباد ښار کي د پاکستان د الف لوبډلي ته ماته ورکړه.
په لوبه کي اول بيټينګ پاکستان وکئ، چي په ٣٦ اوورنو کي يې د ټولو لوبغاړو په سوځېدو ١١٢ منډي جوړي او افغانستان ته يې ١١٣ هدف وټاکئ.
د افغانستان د الف لوبډلي حمزه هوتک پنځه پاکستاني لوبغاړي وسوځل.
افغانستان د پاکستان ټاکل سوى هدف د يوه لوبغاړي په سوځېدو په ١٩ اوورنو کي پوره کئ.
د افغانستان له خوا محمدشهزاد تر ٥٨ منډو وروسته وسوځېدئ.
د افغانستان د الف لوبډلي مشري نوروزمنګل او د پاکستان د الف لوبډلي مشري شاهد افريدي کوله.
بايد وويل سي چي د پاکستان الف ډله د کراچي -حيدرآباد فايف سټار په نوم ميدان ته راوتلې وه.
افغان الف لوبډله له څو ورځو راهيسي پاکستان ته د تمريناتو دپاره تللې ده، چي په را روانو ورځو کي به دوې نوري لوبي هم د پاکستان له الف لوبډلي سره وکړي.
