لراوبر ویب پاڼه لراوبر يو افغان – تازه خبرونه
افغان بيسيم په افغانستان کي لومړنۍ شخصي مخابراتي شرکت دی چي دګرځنده ټيلفوني خدمتونو بنسټ يې اېښئ دی ، دغه مخابراتي شرکت يو لړ راډيووي ، تلويزيوني او چاپي خپروني هم لري .
د افغان بيسيم مياشتنۍ مجلې د څلورم کال د څلوېښتمې او يو څلوېښتمې ګڼې په اووه اتيايم مخ کې د فکاهياتو تر سرليک لاندې د افغانستان يوې سيمي او قوم پوري تړلو خلکو پوري ټوکه خپره سوې ده .
ددغي سيمي اوسيدونکو د اعلاميو او احتجاجي تبصرو په خپرولو سره دغه ټوکه سپکاوئ بللی دی.
لراوبر ته يو شمېر داسي ليکونه رسيدلي دي چي په ټولو کي د ټوکي په نامه د يوه ټبر يا سيمي د خلکو سپکاوئ غندل سوئ او له افغان بيسيم څخه د سپيناوي او بخښني غوښتنه سوې ده .
په احتجاجي ليکونو کي ددغي سيمي پر خلکو ږغ سوئ چي د افغان بيسيم له مخابراتي خدمتونو تر هغه وخته پريکون وکړئ چي د افغان بيسيم مجلې مشرتابه ددغسي کړنو د تکرار دمخنيوي وعده نه وي کړې .
موږ هڅه وکړه ددغي مجلې د مشر امين رامين سره اړيکه ټينګه کړو خو بريالي نه سوو .
