لراوبر ویب پاڼه لراوبر يو افغان – تازه خبرونه
د ننګرهار په هوايي ډګر كي د ډله ييزو بريدونو په پايله كي ۳۳ تنه وژل سوي دي .
په ختيځ کې د ايساف ځواکونو د مطبوعاتي دفتر مسولين وايي چې لومړي د هوايي ډګر مخي ته د موټر څخه په ګټه اخيسته چاودنه رامنځ ته سوي او وروسته وسله واله نښته پيل سوه چي په نښته كي ۳ تنه ځانمرګي بريد كوونكي او ۲۳ تنه نور وسله وال بريدګر د ګډو ځواكونو سره په جګړه كي وژل سوي دي .
د ايساف د مطبوعاتي دفتر په خبره چي په وسله واله نښته كي بهرنيو سرتيرو ته مرګ ژوبله نه ده اوښتي .
د ننګرهار په هوايي ډګر كي د يوي امنيتي باوري سرچيني له قوله چي په بريدونو او نښتو كي ۵ تنه افغان سرتيري وژل سوي دي ، د سرچيني په خبره چي په ياده پيښه كي ۲ تنه ملكي كسان هم وژل سوي او ۴ نور ملكي كسان ټپيان سوي دي .
د وسله والو طالبانو وياند د بريدونو مسووليت په غاړه اخېستی او وايي، چې ګڼ شمېر ځانوژونکي بريدګر هوايي ډګر ته ننوتلي دي او افغان او بهرنيو سرتېرو ته يې درنه مرګ ژوبله اړولې ده.