لراوبر ویب پاڼه لراوبر يو افغان – تازه خبرونه
ته د پرهر،پرهر ګلاب د موسمونو په څير
ته مې کړې زوته د غزل د کتابونو په څير
دومره مې زر له خپلو سترګو نه رخصت مه ګڼه
لا مې په خوا کې يې د خپلو اندمونو په څير
زما او ستا د يارانې د رسوايئ خبرې
په مخ دې پروتې د تورو نقابونو په څير
په دې غزل کې مې ته ولوله کيسه د يارۍ
ځينې شعرونه وي د لويو دريابونو په څير
لا دې تر اوسه هم طالبه د زړه حال ونه وې
څه بې تکراره يې د خپلو قسمونو په څير
