لراوبر ویب پاڼه لراوبر يو افغان – تازه خبرونه
لندن:د بريتانيا د کوين الزبت روغتون چارواکي د پاکستان سياستوالان او نور مخور خلک له ملالې يوسفزۍ سره ليدو ته نه پريږدي.ملاله شاوخوا درې اونۍ وړاندي طالبانو په سوات کې زخمي کړې وه او اوس يې په بريتانيا کې علاج روان دی.د بريتانيا ډيلي ټيلي ګراف ورځپاڼه د برمنګم د کوين الزبت هسپتال د چارواکو له خولې ليکي، د پاکستان يو شمير سياستوالان او نور معتبر کسان له ملالې سره لږ وخت تيرول غواړی خو دوی ته اجازه نه ده ورکړل شوي.د ورځپاڼي په وينا د پاکستان مرکزي وزير فاروق ستار لومړی سياستوال وو چې له ملالي سره يې د ليدو هڅه وکړه، له دې وروستو د خيبر پښتونخوا د اطلاعاتو وزير ميا افتخار حسين او له سواته د صوبايي اسمبلۍ غړي حيدر علي او ورپسې د داخلهچارو وزير رحمان ملک هم غوښت چې ورسره وويني .د ټيلي ګراف په وينا ډ اکټرانو دوی يوازې د ملالي له روغتايي حالت خبر کړل او ورته يې د ليدو اجازه ورنه کړه.ورځپاڼه د يوې پاکستاني ليکوالې ثناء سليم له خولې وايي، پاکستان د ملالې يوسفزۍ په مرسته کولو سره خپل رول لوبولی دی اوس نور په کار ده چې هغه آرام ته پريږدي.د پاکستان يو بل ليکوال سيرل الميډا ټيلي ګراف ته ويلي، د پاکستان سیاستوالان اوس له ملالې يوسفزۍ سره د فوټوګانو اخیستو په لټه کې دي خو چې کله يې په عملي توګه د مرستې وخت راشي نو بيا به يې ګورو چې دوی څه کوي.د کوين الزبت روغتون وياند برتانوي ورځپاڼې ته ويلي، دوی پاکستاني سياستوالان په طبي بنيادو له ملالي سره ليدو ته نه پریږدي ځکه دا د ناروغه لپاره ښه نه دی.ملاله يوسفزۍ طالبانو شاوخوا درې اونۍ وړاندې ځکه په ډزو ويشتلې وه چې هغې د نجونو د تعليم لپاره مبارزه کوله.د کوين الزبت روغتون برمنګم لخوا د ملالې د صحت په ورستی حال.د بريتانيا د کوين الزبت روغتون برمنګم طبي ډله چې د ملالې یوسفزۍ روغتیاپالنه کوي، وايي چې د دې سخت په ښه کېدو دی او ورځ تر بلې یې روغتیا وده کوي.ملالې ته یوازې د بريتانيا د کوين الزبت او برمنګم ماشومانو روغتون طبې ډله او د هغې کورنۍ لیدو ته پرېښودل کېږي.د بريتانيا د کوين الزبت روغتون برمنګم کې چې د ملالې علاج په کې روان دی، د هغې طبي ډله وايي وغتیا یې مخ په ښه کېدو.د اکتوبر په ۳۰ مه نېټه د بريتانيا د بهرنیو چارو وزیر ولییم هېګ، د پاکستان د کورنیو چارو وزیر رحمان ملک، د متحده عرب امارات د بهرنیو چارو وزیر شیخ بن عبدالله بن زیاد، د ۱۵ کلنې ملالې له طبي ډلې او د هغې له پلار ضیاء الدین سره ولیدل.له دې وروسته د د برتانییا د بهرنیو چارو وزیر ولییم هېګ یو لنډ خبري کانفرنس ته په خبرو کې وویل چې د ملالې ښه او زغرده(ګړندی) علاج کول یې لومړيتوب دی. او د ملالې د روغتیاپالنې ډلې یې مننه وکړه چې د هغې په ښه توګه خیال ساتي.