لراوبر ویب پاڼه لراوبر يو افغان – تازه خبرونه
پېښور:د خیبر پښتونخوا دنوښاردسيمې د کاکاصیب د زیارت په خوا کې د يکشنبې په سهار چاودنه شوې چې له امله يې ٤ کسان وژل شوي او له شلو څخه زیات ټپيان دي.دنوښار د پولیسو د چارواکو پر وینا چاوديدونکي مواد د کاکا صیب زیارت په لویه دروازه کې په یو سایکل کې ځای پر ځای شوی وو او د لرې واټن نه د ریموټ په مټ الوزول شوی دی.پولیس همدارنګه وايي چې د تلفاتو شمیره لوړیدای شي، ټپیان د نوښار ضلعې روغتونونو ته د درملنې لپاره لیږل شوي او د ډاکټرانو په وینا د ځینو ټپیانو صحي وضع ښه نه ده.د کاکا صیب اصلي نوم کستیر ګل و ،دی د خپل وخت د مذهبي شخصیتونو څخه ګڼل کیږي ،او دده مزار ته نه یوازې د ضلع نوښار بلکه د لرې لرې ځایونو نه هم عقیدت مند د زیارت کولو لپاره ورځي. د چاودنې برمهال هم ګڼ شمیر ځايي خلک په مزارکې موجود و چې د اختر پرمهال د زیارت کولو لپاره هلته ورغلي وو.