لراوبر ویب پاڼه لراوبر يو افغان – تازه خبرونه
د يکشنبې په ورځ د خوست ولايت د چولانو په سيمه کې يو تن د نامالومو وسله والو کسانو لخوا ووژل شو .
د يادې پيښې په تړاو دخوست ولايت دامنيه قوماندانۍ د عامه افکارو مشر سمونوال وزيربادشاه لر اوبر پاڼې ته وويل چې نوموړی تن تير شپه د چولانو په سيمه کې د نامالو وسله والو کسانو لخوا وژل شويده .
وزير بادشاه زياتوي چې تراوسه دا نده مالومه چې نوموړی کس به د چا لخوا وژل شوي وي او نه يې تر اوسه د وژل شوي کس په تور څوک نيولي دي
د يو بل خبر له مخې د خوست ولايت د لکڼو د شينکې په سيمه کې د ولايتي قواو په موټر پسي د سړک د غاړې بم چاودنه شوي چې له امله پکي هيچاته زيان ندې رسيدلی .
د خوست ولايت د امنيې قوماندان جنرال ايوب وايي چې چاودنه هغه مهال رامنځته شوه چې ځواکونه يې په سيمه کې په ګزمه بوخت وو .
جنرال ايوب زياته کړه چې ځواکونو ته په چاودنه کې ځکه مرګ ژوبله نده رسيدلي چې موټر يې د چاودنې د ځای څخه څو متره وړاندې تللي وو .
د اپداسي حال کې ده چې څو وراځې وړاندې د نادرشاه کوټ په ولسوالۍ کې د ملکي وګړو په موټر پسي ماين چاودنه شوي وه چې په پايله کې درې کسان پکې وژل شوي او دوه نور پکي ټپيان شوي وو.