لراوبر ویب پاڼه لراوبر يو افغان – تازه خبرونه
د آسیایي ایلیټ کپ سیالیوپه لړکې پرون اونن دافغانستان کرکټ ملي لوبډلې په خپله دریمه لوبه کې مالدیف او څلورمه لوبه کي بوټان ته په ماتې ورکولوسره په پرله پسې توګه خپله دریمه او څلورمه لوبه وګټله. تردی وړاندی افغانستان دمالیزیا او عمان ته څخه هم لوبه ګټلې وه.
د آسیایي ایلیټ کپ پنځوس اوریزې سیالۍ داکتوبر د میاشتې په دریمه نیټه، په متحده عربي اماراتوکې پیل شوي او لس ورځې به دوام ومومي ، په دغو سیالیوکې دافغانستان په ګډون لسوآسیایي هیوادونو پکي ګډون درلودی .
افغانستان په الف ګروپ کې له مالیزیا، عمان، مالدیف او بوټان سره لوبې ترسره کړي.د یادونې وړده چې افغانستان په خپل ګروپ کې تراوسه څلور سیالۍ ترسره کړي او ټولې یې د ځان په ګټه پای ته رسولي دي .