لراوبر ویب پاڼه لراوبر يو افغان – تازه خبرونه
په هلمند كې د گوزڼ يا پوليوپه وړاندې د واكسين كمپاين پيل شو
دغه كمپاين د يكشنبې په ورځ د يولړمراسموپه ترڅ كې چې پكې د هلمند والي محمد گلاب منگل اوددې ولايت د عامې روغتيا مسؤلينوگډون درلود پيل شو.
ددې مراسموپرمهال د هلمند والي محمد گلاب منگل د هلمند له ټولواوسيدونكووغوښتل چې خپل ترپنځه كاله كم عمره ماشومان د كمپاين ډلوته ورولي اود گوزڼ په وړاندې يې واكسين كړي ترڅوپه دې ولايت كې د يادې ناروغى كچه ټيټه اوياهم صفرته ورسيږي.
نوموړي په ديني عالمانوهم غږ وكړچې د جوماتونوله لارې په دې برخه كې خلك وپوهوي چې خپل ماشومان واكسين كړي اوپه پوره ډول ياد شوى مسؤليت ادا كړي.
په همدې حال كې د عامې روغتيا مسؤلين وايي چې په روان كال كې د واكسين د كمپاين دا اومه دوره ده چې پيل اوددې ولايت په ټولوولسواليوكې به ترسره اود دريوورځوپه اوږدوكې به پنځه سوه ۶۰ زره ماشومان واكسين كړي.
د يادونې وړده چې په هلمند كې د گوزڼ يا پوليوناروغى اته مثبتې پيښې موجودې دي چې څلورپه گرشك،يوه په سنگين،يوه په خانشين ولسوالى اويوه په ريگ سيمه كې رامنځ ته شوې ده.