لراوبر ویب پاڼه لراوبر يو افغان – تازه خبرونه
ياد شوي ۱۵۶ تنه چې پكې پنځوس تنه پوليس اوپاتې يې عام اوسيدونكي دي د سه شنبې په ورځ د يولړمراسموپه ترڅ كې چې پكې د هلمند امنيه قوماندان سمونوال عبدالنبي الهام گډون درلود فارغ اوورته د ليسنسونود ويش لړى پيل شوه.
ددې مراسموپرمهال د هلمند امنيه قوماندان سمونوال عبدالنبي الهام وويل چې په روان كال كې يې سلگونوكسانوته چې پوليس هم پكې شامل دي د ترافيكي قوانينوپه برخه كې زده كړې وركړې اوهيله من دى چې ددې لړى په غزولوسره به په دې ولايت كې د ترافيكي پيښواوستونزوكچه راټيټه شي.
نوموړي له ټولوموټرچلوونكووغوښتل چې ټول ترافيكي قوانين په پوره ډول عملي كړي اوپه كورنيويې غږوكړچې تراتلس كاله كم عمره ماشومانوته موټراونوروسايل په لاس ورنه كړي ترڅود ترافيكي پيښومخه په پوره ډول نيول شوې وي.
د يادونې وړده چې په روان كال كې د امنيه قوماندانى د ترافيكومديريت ۷۷۶ تنوموټرچلوونكوته چې پوليس هم پكې شامل دي د ترافيكي قوانينوپه برخه كې زده كړې وركړې اودا لړى لاهم روانه ده.