لراوبر ویب پاڼه لراوبر يو افغان – تازه خبرونه
وَلَا تُفْسِدُوا فِي الْأَرْضِ بَعْدَ إِصْلَاحِهَا
او پر ځمکه وروسته له هغی چی اصلاح شوی وی، فساد مه کوی
(قرآن کریم سوره اعراف 7:56)
لعن الله الراشی و المرتشی و الماشی بینهما
خدای تعالی رشوت ورکوونکی ا و رشوت اخیستونکی او او د دوی ترمنځ مینځګړی باند لعن کړی
(بحارالانوار، ج ۱۰۱، ص ۲۷۳)
په سعودي عربستان کې د اسلامي کنفرانس ګډونوالو ته د اداري فساد پر وړاندې د مبارزې افغاني شبکې سرخلاص لیک
کابل- د زمری ۲۴مه ۱۳۹۱کال
افغانستان د یوه آزاداو خپلواک اسلامي هیواد په توګه د اسلامي همکاریو د سازمان له جوړیدو سره سم (۱۳۴۸ هجری شمسی کال) د نوموړی سازمان دعړیتوب ویاړ لري او تل يې د اسلام د مقدس دین د ګټو او ارزښتونو په ساتنه کې له اسلامي هیوادونو سره همغږی ښودلی ده.
په پام کې ده چې دغه سازمان د روانی میاشتې په او ۲۵مه نیټه د اسلامي هیوادونو دمشرانو په ګډون دسعودي عربستان پاچا خادم الحرمین الشریفین عبد الله بن عبدالعزیزپه کوربه توب د اسلامي امت د وضیعت د څیړنې په موخه د مکې مکرمې په ښار کې فوق العاده غونډه جوړخ وکړی.
د اسلامي هکاریو سازمان د افغانستان دخلکو په سپیڅلي جهاد کې دچی د کمونستی نظام پر وړانی خپل کلیدي او رغنده رول لوبولی دی چې د دغه هیواد نجیب او پر دین مین ملت د دوې مرستو ته دقدر په سترګه کتلي او هیڅکله به یې هیر نکړي. خو له بده مرغه په دې وروستیو څو کلونو کې د افغانستان په مسایلو کې د نوموړې سازمان رول کم رنګه شویدی چې په نوموړې هیواد او سیمه کې دستونزو درا پیدا کیدو سبب ګرځیدلی.
د اداري فساد پر وړاندې د مبارزې افغاني شبکه د اسلامی امت د اړیکو سازمان څخه چې په افغانستان کې د تاوتریخوالو د پایته رسولو لپاره د افغانستان حکومت او د اسلامی همکاریو سازمان ته خپلې سپارښتنې او وړاندیزونه وړاندې کړي د زړه له کومي مننه او قدرداني کوي او څرګندوي چې دغه ډول هلې ځلې د هیواد متدین ملت ته چې ملیونونو کسانو يې په دغه وروستیو لسیزو کې خپل ځانونه او د بدن غړي د دین او اسلام په ساتنه کې له لاسه ورکړي ګټور تمام شي.
دغه شبکه د افغانستان مظلوم ملت او مدنی ټولنو په استازیتوب ټینګار کوي چې پراخ اداري فساد په هیواد کې د ټولو بی عدالتیو، نا امنیو، د تاوتریخوالو د زیاتیدو، د مخدره موادو د کښت او قاچاق او د ولس او حکومت ترمنځ د واټن پیدا کیدو یواځنی عامل دی. ښکاره خبره ده چې حکومت په یواځیتوب سره نشي کولای له دغې ستونزې سره چې د سرطان په څیر یې ریښې ټولو ځایونو ته غزیدلی مبارزه وکړي.
په همدې اساس نوموړې شبکه د دغه کنفرانس له ګډونوالو په ډیر درنښت غوښتنه کوي تر څو په افغانستان کې له اداري فساد سره د مبارزې موضوع ته پخپلو خبرو اترو کې ځای ورکړي او د اسلام د مقدس دین د اصولو او د محمدی (ص) شریعت په رڼا کې دغه لوېې ستونزې ته د حل لارې په لټه کې شي او له دغې دردونکی عذاب څخه د دې هیواد کړیدلي ملت چې د تیرو لسو کلونو په موده کې قرباني شوی نجات ورکړي.
ددغی لیک کاپی لاندنی مراجعو ته:
د افغانستان اسلامی دولت جمهور رییس جلالت مآب حامد کرزي
د سعودی عربستان پاچا خادم الحرمین الشریفین ملک عبد الله بن عبد العزیز
د اسلامی همکاریو د سازمان دار الانشا رییس جلالت مآب داکټر اکمل الدین احسان اوغلو
