لراوبر ویب پاڼه لراوبر يو افغان – تازه خبرونه
لاهور:د فرانسي خبرې آژانس د راپورله مخې د پاکستان پولیسو وویل بیګا د پاکستان په لاهور ښار کښې د میوو په یوه بازار کښې دوه پرله پسې چاودنې شوي چې ، له کبله یې ۲۰ کسان ژوبل شوي چې روغتون ته له رسیدو وروسته دوو کسانو خپل ژوند له لاسه ورکړی دی . د لاهور ښار پولیس وايي دغه دوه بمونه چې یو دمیوو په منډۍ کښې دننه او بل یې په دروازه کښې ایښودل شوی ؤ دشپي کابو لس بجې چاودلي دي . دغه چاودنې درنې وې اوتر لیرې پرتو سیمو یې آوزونه اوریدل شوي ، پولیسو دغه سیمه کلابنده کړي او وايي تحقیقات یې پیل کړي دي . تراوسه کومې ډلي او یا کس د دغو چاودنو پړه په غاړه نه ده اخیستي