لراوبر ویب پاڼه لراوبر يو افغان – تازه خبرونه
ستورو ته کينه له ستاره سره
تا د تيارو پر خلاف ايښي د رڼا ګامونه
خدايه ج نږدې مه کړې و تاته د بلا ګامونه
« « «
دميرويس خان هسکه شمله همداسې د نګه ساته
د خوشال خان او ابدالي توره له زنګه ساته
دا خپله ژبه ،خپل کلتور له پردي څنګه ساته
لکه یما ږده زړور پر هره خوا ګامونه
« « «
يه مينه ناکه ،مينه خېله د الفت ملګريه
تر نفرت خېلو دې دا خپل غږ کړه اوچت ملګريه
خدای ج به هم تاته په همدې در کړي قوت ملګريه
همداسې مخته درومه وا نه خلې په شا ګامونه
« « «
څه وکړم ياره ډېره، ډېره غريبي لرمه
په ژوند ستومانه یمه ستړې زندګي لرمه
رنګ مې زېړ شوی بلا سخته ناروغي لرمه
ګني زړه کيږي مې،چې واخلمه تر تا ګامونه
« « «
ته د اسمان ستورو ته کينه له ستاره سره
د ژوند سندره غږوه له عزل زاره سره
د حق ويل کوه او لوبه کړه له داره سره
که خدای ج کول سعيده اخلې د بريا ګامونه
« « «
۱۳۹۱/۴/چنګاښ ۲۶
پکتيا ميډيا سنټر
