ښځه

په خوږ وطن مینې دي افغانانې ښځې

د ننګ غیرت لپاره تل دي روانې ښځې

د خپلو وروڼو سره کوي خدمت د وطن

د علم او پوهې کار کې دي نکته دانې ښځې

= = = = = =  = = = = =

د رب د لوري لویه عطا ده ښځه

د ژوندانه د پاره لویه رڼا ده ښځه

خوږه خوږه ټوله مینه مینه

یو لوی نعمت لویه وفا ده ښځه

= = = = = = = = = = = =

ښځه په ژوند کې ده خوږه ملګرې

ده وفاداره او ښایسته ملګرې

ډېوه د کور او مینه مینه ده

راشه چې یې وکړو ننداره ملګرې 

---

پروین اشرفی ستانكزۍ، د كابل ټلويزون تكړه ويانده، چې څه موده وړاندې يې له نړۍ سترګې پټې كړې