لراوبر ویب پاڼه لراوبر يو افغان – تازه خبرونه
تاسو خبریاست چی دلته دزابل په ولایت کی دپولیسو په جامو کی داځوم ځل دی چی دپولیسو له لوری څخه پرماشومانو اومیرمنو باندی جنسی تیری کیږی خوولی تراوسه پوری هیځ کس ورباندی غورونکړ.
دزابل دشاه جوی په امنیه قوماندانی کی دپولیسو لهری پر یوه ۱۸ کان ځوان باندی جنسی تیری، په شملزو ولسوالی کی پریوه میرمن باندی ډزی کول پدی موخه چی هغه میرمن له هغه دولتی چارواکی سره کوژده نه کوی، په لمړی امنیتی حوزه کی پریوه ۲۰ کلن ځوان شاه ګل باندی جنسی تیری (اته میاشتی وړاندی او بل اخره هغه ۲۰ کلن ځوان اوس له طالبانو سره یوځای شوی دی)، په مرکز قلات کی دوه ځله دپولیسو له لوری دښځو غیر اسلامی او انسانی چلند، دانتخاباتو په دفتر کی څه موده وړاندی دښځو نځا له پولیسو سره او داسی نور موضوعات چی ویل یی اړین بولم خو وخت ته اړتیا لری.
کرزی صاحب، په هغه ویډیوکی چی پرماشوم باندی جنسی تیری شوی دی هغه دجناب ډګروال حکیم خان (دنده یی دریزرف کنډک قوماندان) په کور چی لاندی یی دخپل ځان دحفاظت په موخه پوسته جوړه کړی دی ، همهغلته ددی دزوی، وراره او یوبل عسکر له لوری پرماشوم باندی جنسی تیری شوی دی.
داماشوم چی ورباندی جنسی تیری شوی، په مکتب کی داتم ب صنف زده کوونکی دی او له مکتب څخه په زور ودغی پوستی ته راوړل شوی وی.
کرزی صاحب ! تاسو پوهیږی چی له یوی خوا څخه یوشمیر کسان (په خاص ډول دپاکستان استخباراتی اداره ای ایس اي) مکتب ته ماشومان نه پریږدی او له بل لوری څخه پولیس بیا له خپلی چامی څخه په ګټه پورته کولو سره ماشومان له مکتب څخه پوستی ته بیایی او هلته پری جنسی تیری کوی چی ددی ولایت له خلګو سره ستره جفا، دپولیسو بدنامول او افغان دولت سره دخلګو لیری کول دی (چی دغه هم ددشمن یو جوړشوی پلان دی).
وزیر صاحب ! موږ دټولو امنیتی ځواکونو ستاینه کوو په خاص ډول دملی امنیت ، ملی اردو (هلته هم نیمګړتیاوی شته خوولی ددومره هم ندی چی دخلګو ژوند یی له ګواښ سره مخامخ کړی دی) او دپولیسو هم ستاینه کوو خو ولی دزابل په پولیسو کی زیات شمیر نیمګړتیاوی شته دی چی ډیری شمیر دپولیسو لوړپوړی چارواکی په اخلاقی فساد اوغیراسلامی جنسی اړیکو باندی ککړ دی چی نوم اخیستل یی دلته ښه نه بولم اووخت ته اړتیا لری.
دټولو نړیوالو بنسټونو څخه می هیله داده چی یوځل دزابل دپولیسو حالت وګوری ، بیا تاسو قضاوت وکړی چی ایا دلته امنیت راتلل امکان لری؟ هیځکله یی هم نلری اوددی ښکارندوي دی چی اوس هم زابل دجهالت په چوکاټ کی دی.
مننه دخدای پامان
دزابل یوتن تنکی ځوان
