لراوبر ویب پاڼه لراوبر يو افغان – تازه خبرونه
پېښور:د خیبر پښتونخوا قبایلي سیمه جمروډ کې ناپېژاندو وسله والو د یوې مؤسسې مشره فریده افریدي په ډزو وژلې ده.ځايي پولیس وايي، په موټر سایکل سپرو کسانو د چارشنبې پر سهار د جمروډ په وانډي کې د سویري په نامه مؤسسې مشره فریده افریدي له کوره ددفتر پر لور په لاره په ډزو وژلې ده.برید کوونکي په تېښه بریالي شوي.د سویري ناحکومتي مؤسسې دفتر د پېښور حیات اباد سیمه کې دی. دغه دفتر خیبر پښتونخوا کې د ښځو د حقونو او زده کړو په برخه کې فعالیت کوي.