لراوبر ویب پاڼه لراوبر يو افغان – تازه خبرونه
ميرانشا: پر شمالي وزيرستان په تېرو ١٢ ساعتونو په دويم بې پيلوټه هوايي بريد کې درې نور کسان وژل شوي دي. د شمالي وزيرستان په مرکز ميرانشاه کې يوه دولتي چارواکي تسليم خان ه خبريالانو ته وويل، چې دغه بريد نن سهار وخته د ميرانشاه ښار په لس کيلومترۍ کې د زرمک په اډمه کې پر يوه کور شوى دى.سرچينې زياته کړه، چې بريد سهار درې بجې شوى، چې له امله يې درې تنه وژل شوي، خو هويت يې نه دى څرګند شوى. ځايي اوسېدونکي وايي چې دا برريد د رزمک اډې ديوه مارکېټ پر بالاخانې شوى چې ويل کېږي، په کې وسلوال مېشت وو.د يوسف هارون په نوم يوه ځايي خبريال وويل، چې د بريد له امله درې تنه سوځېدلي او له پېژندلو وتلي دي.تېره ورځ ناوخته هم پر شمالي وزيرستان په يوه بې پيلوټه هوايي بريد کې درې تنه وژل شوي وو.