لراوبر ویب پاڼه لراوبر يو افغان – تازه خبرونه
دریشم اپریل په هالنډ کې د ملکې ورځ لمانځل کیږي. د ملکې ورځ د هالنډیانو لپاره خورا مسته ورځ وي .
دې ورځ ته په یوه کال کې هالنډیان ۳۶۴ ورځې انتظار باسي ، د ملکې ورځ ته د کرسمیس ، نورو رخصتیو اود خوشحالۍ ورځو څخه زیات قدر ورکړل شوی دی .
د هالنډ د پخوانۍ ملکې ویل هیلمینا د نهمې کلیزې څخه دغه ورځ لمانځل پیل او د هالنډ د حکومت د قومي رخصتۍ په ورځو کې شامله شوه
ددغې ورځ لمانځل اول د شهزاده ورځ په نامه یادېده کله چې د ویل هیلمینا پلار ومړ له هغې وروسته د ملکې ورځې په نامه یاده شوه .
یو پنځوس کاله مخکې د یاده ورځ په یو دریشم د اګست لمانځل کیدله خو په ۱۹۴۸ زیږدیز کال کې چې ویل هیلمینا لور یولینا ملکه شوه د هغې د کلیزې په ورځ چې په دریشم اپریل ده ، بدله شوه .
کله چې بیاتریکس ملکه شوه ، پریکړه یې وکړه چې د ملکې ورځ به په هماغه دریشم اپریل چې د مور د کلییزې ورځ یې ده ولمانځل شي، بل طرف ته د بیاتریکس پيدایښت په ژمي کې و چې په ژمي کې دداسې ورځ لمانځل په داسې ډول خورا مشکل وي ، ددې په خاطر هالنډیانو دغه پریکړه لا غوره وبلله.
.jpg)
په دې ورځ په هالنډ کې فرای مرکت ( خلاص بازار) په نامه سوداګرۍ کیږي چې اکثره خلک د خپل کورنو دویم لاسي یا مستعمل شیان د پلورولو لپاره بازار کې ږدي.
په دغه ورځ د هالنډ په ښارونو کې زښته ګڼه ګونه وي چې ټولو خلکو په کې د هالنډ د قومي رنګ ( نارنجي) جامي اغوستي وي.
ویل کیږي چې هر کال د هالنډ په مرکز امستردام ښار کې تر اته لکو پورې ددې ورځ لمانځونکي را ټولیږي .
سږ کال د امستردام ښاروالۍ د امن او ساتنې لپاره د امستردام په مرکز کې تر شپږ لکو نفرو پورې اجازه ورکړې .
لوی کانسترونه او لوې غونډې یې د امستردام له ښاره بهار په نورو لویو لویو ځایونو کې برابر کړي دي .
په ټول هېواد کې د اورګاډی د ټرانسفورت د یوې ورځ لپاره په نوي پروګرام برابر کړل شوی دی.
راپورنه وایې چې سږ کال به ملکه بیاتریکس د خپلې رویل کورنۍ سره د اوتریخت ولایت د رحنین او فینندال نومي ځاینو ته سفر وکړي . دغه سفرونه چې د اورانیا ټولنې له خوا ورته پلان شوی په ژوندۍ بڼه په تلویزونه کې راوخستل شي .
د یادونې وړ ده چې سږ کال دا ورځ په داسې حال کې لمانځل چې د هالنډ حکومت تقریبا یوه هفته مخکې غورځيدلی.
د حکومت لباره به راتلونکي کې ټول ټاکنې کیږي .
