لراوبر ویب پاڼه لراوبر يو افغان – تازه خبرونه
په جنوب ختيځ زون كې د ملي اردو چارواكي وايي چې د خوست او پكتيكا په ولايتونو كې يې د پلټنو پرمهال پنځه شكمن كسان نيولي دي.
په ګردېز كې د دوه سوه درې تندر قول اردو مطبوعاتي دفتر وياند مستك خان وايي چې ځواكونو يې د پكتيكا ولايت په زيړوك ولسوالۍ كې د ورځې لخوا عمليات كړي چې په پايله كې يې درې شكمن كسان نيول شوي دي.
وياند زياتوي چې له دغوكسانو سره يې يوشمېر وسلې هم نيولي دي.
همداشان د نوموړې قول اردو چارواكي زياتوي چې د خوست ولايت په تڼيو ولسوال كې يې هم د پلټنو پرمهال دوه شكمن كسان نيولي دي.
خبر ځاى زياتوي چې يادشوي كسان يې د كشفي راپورونو په بنسټ چې نيول دي او په خبره يې دوى ته اطلاع وركړل شوې چې دغه كسان د دولت له مخالينو سره اړيكې لري.
بل لور ته د خوست په صبريو ولسوالۍ كې ايتلافي ځواكونوته په بار وړونكو موټر نو بريدشوى چې له امله يې يوموټر سوځول شوى او چلوونكى يې ترې تم شوى دى.