لراوبر ویب پاڼه لراوبر يو افغان – تازه خبرونه
په كوټه كې د ملګري ليكوال كوټي غونډه وشوه
نن د سې شنبې ورځ د اپرېل د مياشتي په لومړۍ نېټه د ملګري ليكوال غونډه وشوه.
د يوه ادبي خبر تر مخه په كوټه كې د يوه فعاله ادبي ټولنې ملګري ليكوال كوټي پنځلس ورځنۍ غونډه د دې ټولنې د مشر پروفيسر محموداياز په مشرۍ كې وشوه ، چې د دريځتوب چارې يې جاويد اقبال تر سره كولې، د نن د غونډې ځانګړې ايجنډه وه [ پښتو لنډه كيسه او نړۍ وال ارزښت ] چې په دې باندي د پښتو ژبي نوموړي افسانه نګار ښاغلي فاروق سرور خپله عالمانه وينا واوروله او وروسته له هغه څخه د پوښتنو او ځوابونولړۍ پېل شوه ،په دې غونډه كې د ملګري ليكوال له غړو پرته نورود كوټي شاعرانو ،ليكوالانو ، او اديبانو، هم كړى و ،دا غونډه محترم نصيب الله د قرآن كريم په مقدس اياتونو سره پېل كړه .
ياده دي وي چې ملګري ليكوال كوټه له تېرو پنځلسو كلونو څخه هره پنځلس ورځي وروسته خپله ادبي غونډه كوي چې ډېر ځوانان يې روزولي دي