لراوبر ویب پاڼه لراوبر يو افغان – تازه خبرونه
د کندهار ولايت امنيتي مسئولين وايي چي په دې ولايت کي په يوه امنيتي کمپنۍ کي نښته رامنځ ته سوې او په پايله کي ئې درې تنه د شخصي امنيتي کمپنۍ او يو پوليس وژل سوي او درې تنه نور د شخصي کمپنۍ ژوبل سوي.
ياده مرګ ژوبله د حاجي توريالي په نامه په يوه شخصي کمپنۍ کي هغه وخت رامنځ ته سوه چي کله په ياده کمپنۍ د تورجان په نامه يوه کس پر خپلو ملګرو د ماشين ډزي وکړې او په پايله کي ئې درې تنه ووژل او درې تنه ئې ژوبل کړل.
تر پېښي وروسته د نښتي ځاى ته پوليس ورغلي او هلته د امنيتي کمپنۍ د کسانو او پوليسو ترمنځ نښه سوې او په پايله کي ئې يو پوليس وژل سوى.
چارواکي وايي چي په دې اړه ئې پلټني پيل کړي او يو تن ئې نيولى.