لراوبر ویب پاڼه لراوبر يو افغان – تازه خبرونه
لکه د درد د زړه په څړیکو کې اوسیږي مینه
د چا د سترګو په الهام تر ما رسیږي مینه
دومره اسانه هم کیدلی نشي داسې نده
په مینه مینه شي ، په مینه پیدا کیږي مینه
د مات ګلدان په شان د ګل خاورې ساتلی نشم
د تن په خاورو مې د ګل په شان ټوکیږي مینه
کلونه وشول د غلا شوي زړه په درد اخته یم
کلونه وشول په هر یاد دې تازه کیږي مینه
څومره ساده یم، میلمنې ته ست د مینې کوم
دا څه حاجت دی چې په سترګوکې پوهیږي مینه
عجیبه نده چې وصال وي د وصال ارمانجن
هجران وصال،وصال هجران باندې بدلیږي مینه
کابل اراکوزیا راډيو
۳۰/۱۲/۲۰۱۱
