طرحي مشاعره

Als de bijlage afbeeldingen bevat, worden deze niet weergegeven.  De oorspronkelijke bijlage downloaden
 

د نويد زيري،فريداحمدتسکين او رفيق مهران طرحي مشاعره

زېری: هسې ودې کړه خبره

خو را نه غلې زوروره

مهران: زما زړه اوبه اوبه دی

داستا زړه  لکه ډبره

تسکين: سپيلني ځان ته لوګی کړه

چېرته نه شې له نظره

زېری: ماپرهغه لاره ګرد کړې!

چې درځي داستا  تر دره

مهران: راشه راشه تنهايي ده

ای دمينې  پيغمبره

تسکين: خندا نه لرم پرشونډو

پام چې را نه شې اختره

زېری: پرهغو زلمومين يم

چې سېنه یې وي ببره

مهران: زما زړه یې چې نيولی

جانان نه دی بې هنره

تسکين: له پښتون جانان قربان شم

يارانه یې وي په نره

زېری: که مې غږکړوچې ګلابه

دابه تا ښيم  دلبره

مهران: دخوبونو ټېکه دار یې

غم دې نشته بختوره

تسکين: خدای ج دې وساته له شره

زما ګل ګل پېښوره