لراوبر ویب پاڼه لراوبر يو افغان – تازه خبرونه
د ترکیې په ختيځ کي د تیري یکشنبې د رامنځته سوي زلزلې له کبله ۵۵۰ تنو خپل ژوند دلاسه ورکړئ او په سلګونو نور تر ورانو سوو تعمیرونو لاندي دي .
د اسوشيېټيډ پریس د یوه تازه راپور له مخي ژغورونکو نن د جمعې په سهار په “ایریکس” نومي ښار کي يو ۱۳-کلن ماشوم ژوندی موندلئ، چي تر یوه وران سوي تعمیر لاندي سوئ و . دغه ماشوم تر زلزلې ۱۰۸ ساعته (= څلور نیمي ورځي) وروسته ژوندی وموندل سو او ژر تر ژره په روغتون کي بستر کړل سو .
د یادوني وړ ده چي په ذکر سوي ښار کي تېره ورځ یو ۱۹ کلن محصیل هم وموندل سو .
ترکيې د زلزلې په لومړیو شېبو کي بهرنی مرستي نه منلې، خو اوس یې د زلزله ځپلو وګړو لپاره د خېمو او غذايي موادو د کمښت له کبله بهرنیو مرستو ته هرکلی ویلئ .