لراوبر ویب پاڼه لراوبر يو افغان – تازه خبرونه
په پېښور کې د افغانستان کلتوري څانگې څرگنده کړي ،چې د افغانستان د اطلاعاتو او فرهنګ وزارت د خېبر پښتونخوا د اطلاعاتو او کلتور وزارت په مرسته د پېښور په نشتر هال کې د يوکلتوري نندارتون د جوړښت هوډ کړې ـ دغه نندارتون به د اکتوبر مياشتې په ۱۸،۱۷ او ۱۹ نېټه د سهار له ۹ بجو د ماښام تر۷ بجو پورې د نندارکونکو پرمخ خلاص وي ـ د افغانستان د کلتوري څانگې په خبره دغه به يو صنعتي او کلتوري نندارتون وي چې په کې به په لاسونو جوړې شوې غالۍ ،افغان گاڼې ،لرغونې ډبرې او د کلتور سره اړونده نورتوکي دخلکو په وړاندې ايښودلی شي ـ