د روژې اتم سوغات

قدرمنو او عزتمنو لوستونکو ، دغه لړۍ چی « د قرآن سره مرکه » نومیږی د قرآن پوهنی ډیره آسانه ، دلچسپه او ګټوره طریقه ده . دلته د قرآن کریم څخه پوښتنی کیږی او هغه د خپلو آیتونو له مخی ځوابونه وایی . هیله ده چی د توجه او هڅېدو وړ مو وګرځی ، دا ځکه چی نن د عمل ورځ ده بېله حسابه خو سبا د حساب ورځ ده بېله عمله !
نو د اتمی روژې لپاره اتم سوغات ومنیً ، ( ن . صمد )

د قرآن سره مرکه ( اتمه برخه ) :

پوښتنه : پر کومو شیانو ایمان راوړل حتمی دی ؟
ځواب : پر هر مسلمان باندی دا حتمی او لازمی ده چی پر الله ، د هغه پر ملایکو ، د هغه پر پیغمبرانو ، د هغه پر کتابو ، او د آخرت پر ورځی ایمان راوړی (۱) .

پوښتنه : ستا په نظر د انسان د اُخروی ښېګڼی لپاره شرایط کوم دي ؟
ځواب : صرف او صرف یو شرط دی او هغه دا چی ایمان لرل او د هغه سره سم عمل کول (۲) .

پوښتنه : آیا د دې مطلب دا دی چی د ایمان څخه پرته نور اعمال غلط دي ؟
ځواب : هو همداسی ده ، د ایمان راوړلو څخه پرته هیڅ عمل نه صالح کېدای سی او نه هم د منلو وړ دی (۳) .

پوښتنه : نو آیا د صالح عمل څخه پرته ایمان اعتبار نه لری ؟
ځواب : هر هغه ایمان چی له امله یې د نېک او صالح عمل د کولو عزم پیدا نسی ، اعتبار نلری (۴) .

پوښتنه : آیا دا راته ویلای سې چی ایمان لږ یا ډیرېدای سی ؟
ځواب : هو کې ، د ایمان کیفیت کمیږی او ډیریږی (۵) .

پوښتنه : آیا د ځنکدن پر مهال توبه او ایمان قبلیږی ؟
ځواب : مخکی قبلیږی ، خو د مرګ پر پوله قطعأ نه قبلیږی (۶) .

پوښتنه : ډیره ساده خو مهمه پوښتنه لرم ، او هغه دا چی الله څوک دی ؟
ځواب : که څه هم مخکی می دا ځواب مختصرأ درکړی دی ، خو دا دی اوس به یې یو څه مفصلأ در وښیم : الله د هغه هستۍ حقیقی نوم دی (۷) چی دا ټول کایًینات یې پیدا کړي دي (۸) . الله یو دی او شریک نه لری (۹) . هغه د هر ډول عیب او نقص څخه خلاص او پاک دی (۱۰) او د هر ډول ښه والي او کمال صفتونه لری (۱۱) . هغه ژوندی دی (۱۲) ، هر څه اوري (۱۳) او وینی (۱۴) . هغه د ارادې څښتن دی (۱۵) . همدغه الله رزق ورکونکی دی (۱۶) ، هدایت ورکونکی دی (۱۷) ، د هر شي او هر څه مالک یعنی څښتن دی (۱۸) . هغه پروردګار او رب دی (۱۹) . هغه مطلق حاکم دی (۲۰) . ستر طاقت او اختیار ټول د هغه سره دی (۲۱) . هغه پر هر څه قدرت لری (۲۲) . هغه د ناپایه رحم لرونکی دی (۲۳) . د عبادت وړ صرف او صرف هماغه دی (۲۴) . هغه حکیم (۲۵) او طاقت لرونکی دی (۲۶) .هغه د امن او سولی عطا کونکی دی (۲۷) . هغه ساتونکی او ژغورونکی دی (۲۸) . هغه معافوَنکی (۲۹) او بخښونکی دی (۳۰) . هغه باریک بین دی (۳۱) . نرم او حلیم دی (۳۲) . هغه ستر او عظیم دی (۳۳) . هغه د هیڅ څخه هر څه یعنی د عدم څخه هستی راوړونکی دی (۳۴) . هغه د ښکلاوو جوړونکی یعنی مصور دی (۳۵) . هغه خورا ستر دی (۳۶) . هغه په ستاینو متصف دی (۳۷) . هغه ظاهر (۳۸) او باطن (۳۹) دی . هغه شتمن او غنی دی (۴۰) . هغه مهربان (۴۱) او مرستندوی (۴۲) دی . هغه نور دی (۴۳) . هغه جبار (۴۴) او قهار (۴۵) هم دی . هغه پر هر څه غیږ راګرځونکی دی (۴۶) . هغه حساب اخیستونکی دی (۴۷) . هغه خورا نږدې دی (۴۸) . هغه مینه او محبت کونکی دی (۴۹) . هغه د لوړو درجو څښتن دی (۵۰) . هغه د توبې قبلونکی دی (۵۱) . هغه د عظمت او قدرت لرونکی دی (۵۲) . هغه دا ټول کاینات چلوی (۵۳) . که هغه نه وی نو دا کاینات به ټول ګډوډ او درهم و برهم سی (۵۴) . خیر او شر ، ګټه او زیان د هغه په لاس کی دي (۵۵) . هغه هر ځای حاضر او موجود دی (۵۶) . هغه د مځکی او آسمان په هر پټ او ښکاره شي خبر دی (۵۷) . هغه په هر حرکت خبر دی (۵۸) . هر څوک د هغه محتاج دی (۵۹) . هغه هیچا ته اړ نه دی (۶۰) . هغه دعاوی اوری او قبلوی یې (۶۱) . هغه د فریاد اورېدونکی دی (۶۲) . بېره صرف د هغه څخه ده (۶۳) . هغه باید یاد کړه سی یعنی وبلل سی (۶۴) . د هغه څخه پناه غوښتل کیږی (۶۵) . امیدونه د هغه څخه کیږی (۶۶) . د هغه سره مینه او محبت باید وسی (۶۷) . د هغه ذکر او شکر باید ادا سی (۶۸) . ژوند او مرګ صرف د هغه په اختیار کی دی (۶۹) . اولاد هغه ورکوی (۷۰) . هغه د تل راهیسی موجود دی او تل به پاته وی (۷۱) . هغه نه د چا پلار او نه هم زوی دی (۷۲) . هغه د هیچا نه خپل دی او نه یې په ذات یا قوم دی (۷۳) . هغه تر ټولو ستر دی (۷۴) . هغه یو دی او هیڅ شریک نه لری (۷۵) . هغه بې ساری او بې مثاله دی (۷۶) .

پوښتنه : دا خو ډیر ضروری معلومات وو . آیا راته ویلای سې چی د یو مؤمن حقیقی محبوب څوک دی ؟
ځواب : الله تعالی دی (۷۷) .

پوښتنه : تا په خپل متن کی کوم نوم تر ټولو ډیر ذکر کړی دی ؟
ځواب : ما تر ټولو د خپل مؤلف یعنی الله نوم ډیر ذکر کړی چی تر ۲۹۰۰ ځله می هم ډیر یاد کړی دی (۷۸) .

پوښتنه : آیا راته ویلای سې چی تا د الله (ج) کوم صفت ډیر ذکر کړی دی ؟
ځواب : د ربوبیت صفت ، یعنی هغه می تر ۹۰۰ ځله هم زیات ذکر کړی دی (۷۹) .

پوښتنه : تا د الله تعالی کوم صفت په ډیر وسعت او کثرت سره بیان کړی دی ؟
ځواب : د رحمت صفت می په ډیر وسعت سره بیان کړی دی (۸۰) .

پوښتنه : آیا لوی خدای د هر مسلمان دعا اوری او هغه قبلوی ؟
ځواب : هو باالکل همداسی ده ، الله وایی ما در وبوله چی دعا دې قبوله کړم (۸۱) .

پوښتنه : د الهی محبت معیار کوم دی ؟
ځواب : د محمد (ص) رښتیانۍ پیروي هغه معیار دی چی دا ترې معلومېدای سی چی یو څوک د خدای سره څومره مینه او محبت لری (۸۲) .

(۱) : البقره : ۱۳۶ ، ۱۷۷ ، ۲۸۵ . (۲) : البقره : ۱۲ ، ۶۲ ؛ المایًده : ۶۹ ؛ هود : ۲۳ ؛ الکهف : ۱۰۷ ؛ العصر : ۳ . (۳) : الکهف : ۱۰۵ ، ۱۰۶ ؛ الاحزاب : ۱۹ ؛ محمد : ۹ ، ۳۲ . (۴) : العنکبوت : ۲ ؛ البقره : ۸ ، ۱۳ ؛ العصر : ۳ ؛ الروم : ۴۴ . (۵) : آل عمران : ۱۷۳ ؛ الانفال : ۲ ؛ التوبه : ۱۲۴ ؛ الاحزاب : ۲۲ ؛ المدثر : ۳۱ . (۶) : النسأ : ۱۸ ؛ یونس : ۹۰ ـ ۹۱ . (۷) : طه : ۱۴ . (۸) : الانعام : ۱۰۲ ؛ الزمر : ۶۲ ؛ الرعد : ۱۶ ؛ المومن : ۶۲ ؛ طه : ۵۰ . (۹) : البقره : ۱۶۳ ؛ النسأ : ۱۷۱ ؛ یوسف : ۳۹ ؛ الرعد : ۱۶ ؛ ابراهیم : ۴۸ . (۱۰) : البقره : ۳۲ ؛ الانعام : ۱۰۰ ؛ آل عمران : ۱۹ ؛ الاسرأ : ۴۳ ؛ الانبیأ : ۸۷ . (۱۱) : الانعام : ۱ ؛ الاعراف : ۱۸۰ ؛ الاسرأ : ۱۱۰ ـ ۱۱۱ ؛ طه : ۸ . (۱۲) : البقره : ۲۵۵ ؛ آل عمران : ۲ ؛ طه : ۱۱۱ ؛ الفرقان : ۵۸ ؛ المومن : ۶۵ . (۱۳) : البقره : ۱۲۷ ، ۲۴۴ ؛ آل عمران ۳۵ ؛ المایًده ۶۷ ؛ الانعام : ۱۱۵ ؛ الشوری : ۱۱ . (۱۴) : البقره : ۹۶ ، ۱۱۰ ؛ آل عمران : ۱۵ ؛ المایًده : ۷۱ ؛ الانفال : ۳۹ ؛ الملک : ۱۹ . (۱۵) : النحل : ۴۰ ؛ یس : ۸۲ ؛ ابراهیم : ۲۷ ؛ الحج : ۱۸ ؛ القصص : ۶۸ . (۱۶) : الذاریات :۵۸ ؛ الجمعه : ۱۱ ؛ المومنون : ۷۲ ؛ الحج : ۵۸ ؛ المایًده : ۱۱۴ . (۱۷) : الفرقان : ۳۱ ؛ الحج : ۱۶ ، ۵۴ ؛ البقره : ۱۴۲ ، ۲۷۲ ؛ الشوری : ۱۳ . (۱۸) : البقره : ۲۵۵ ؛ آل عمران : ۱۲۹ ، ۱۸۰ ؛ النسأ : ۱۲۶ ؛ الانعام : ۱۲ ؛ لقمان : ۳۷ . (۱۹) : الفاتحه : ۲ ؛ الانعام : ۴۵ ؛ الاعراف : ۵۴ ؛ یونس : ۱۰ ؛ المطففین : ۶ . (۲۰) : یوسف : ۴۰ ؛ الکهف : ۲۶ ؛ الاعراف : ۵۴ ؛ یونس : ۳۱ ؛ السجده : ۵ . (۲۱) : آل عمران : ۲۶ ؛ البقره : ۱۰۷ ؛ المایًده : ۱۷ ؛ الاعراف : ۱۵۸ ؛ البروج : ۹ . (۲۲) : البقره : ۲۰ ؛ آل عمران : ۲۶ ؛ المایًده : ۱۷ ؛ الانعام : ۱۷ ؛ الملک : ۱ . (۲۳) : الاعراف : ۱۵۶ ؛ المومن : ۷ ؛ الفاتحه : ۱ ؛ الحشر : ۲۲ ؛ یوسف : ۹۲ . (۲۴) : البقره : ۱۶۳ ؛ آل عمران : ۲ ؛ النسأ : ۱۷۱ ؛ المایًده : ۷۳ ؛ الناس : ۳ . (۲۵) : البقره : ۳۲ ؛ آل عمران : ۶ ؛ النسأ : ۲۶ ؛ المایًده : ۳۸ ؛ التحریم : ۲ . (۲۶) : البقره : ۲۶۰ ؛ آل عمران : ۶ ؛ المایًده : ۳۸ ؛ الانفال : ۱۰ ؛ الجمعه : ۳ . (۲۷) : الحشر : ۲۳ . (۲۸) : یوسف : ۶۴ ؛ هود : ۵۷ . (۲۹) : البقره : ۱۷۳ ؛ آل عمران : ۳۱ ؛ النسأ : ۲۵ ؛ الانعام : ۶۵ ؛ البروج : ۱۴ . (۳۰) : الحج : ۶۰ ؛ المجادله : ۲ ؛ النسأ : ۴۳ ، ۹۹ ، ۱۴۹ ؛ الشوری : ۲۵ ، ۳۰ . (۳۱) : لقمان : ۱۶ ؛ الملک : ۱۴ ؛ الاحزاب : ۱۳۴ ؛ الانعام : ۱۰۳ ؛ الحج : ۶۳ . (۳۲) : البقره : ۲۲۵ ، ۲۳۵ ، ۲۶۳ ؛ آل عمران : ۱۵۵ ؛ النسأ : ۱۲ ؛ المایًده : ۱۰۱ ؛ التغابُن : ۱۷ . (۳۳) : البقره : ۲۵۵ ؛ الشوری : ۴ ؛ الواقعه : ۷۴ ، ۹۶ ؛ الحاقه : ۳۳ ، ۵۲ . (۳۴) : البقره : ۱۱۷ ، ۱۵۴ ؛ الانعام : ۱۰۱ ؛ الحشر : ۲۴ . (۳۵) : الحشر : ۲۴ ؛ المومن : ۶۴ ؛ التغابُن : ۳ ؛ آل عمران : ۶ ؛ الاعراف : ۱۱ . (۳۶) : هود : ۷۳ . (۳۷) : البقره : ۲۶۷ ؛ هود : ۷۳ ؛ ابراهیم : ۱ ؛ التغابن : ۶ ؛ البروج : ۸ . (۳۸) : الحدید : ۳ . (۳۹) : الحدید : ۳ . (۴۰) : البقره : ۲۶۳ ، ۲۶۷ ؛ آل عمران : ۹۷ ؛ الانعام : ۱۳۳ ؛ الممتحنه : ۶ ؛ التغابن : ۶ . (۴۱) : الفاتحه : ۳ ؛ البقره : ۱۶۳ ؛ طه : ۹۰ ؛ النمل : ۳۰ ؛ حم سجده : ۲ . (۴۲) : الانفال : ۴۰ ؛ التوبه : ۱۱۶ ؛ الحج : ۷۸ ؛ النسأ : ۴۵ ؛ الفرقان : ۳۱ . (۴۳) : النور : ۳۵ . (۴۴) : الحشر : ۲۳ . (۴۵) : الانعام : ۱۸ ، ۶۱ ؛ یوسف : ۳۹ ؛ الرعد : ۱۱ ؛ ابراهیم : ۴۸ ؛ المومن : ۱۶ . (۴۶) : النسأ : ۱۲۶ ، ۱۰۸ ؛ حم سجده : ۵۴ ؛ الطلاق : ۱۲ ؛ هود : ۹۲ ؛ البقره : ۱۹ . (۴۷) : النسأ : ۶ ، ۸۶ ؛ الاحزاب : ۳۹ ؛ البقره : ۲۰۲ ؛ الرعد : ۴۰ ؛ المومن : ۱۷ . (۴۸) : البقره : ۱۸۶ ؛ هود : ۶۱ ؛ السبا : ۵۰ . (۴۹) : هود : ۹۰ ؛ البروج : ۱۴ ؛ البقره : ۱۹۵ ، ۲۲۲ ؛ آل عمران : ۷۶ ، ۱۳۴ ؛ المایًده : ۴۲ . (۵۰) : البقره : ۲۵۵ ؛ الحج : ۶۲ ؛ لقمان : ۳۰ ؛ سبا : ۲۳ ؛ الشوری : ۵۱ . (۵۱) : البقره : ۳۷ ، ۵۴ ، ۱۶۰ ؛ التوبه : ۱۰۴ ، ۱۱۸ ؛ النور : ۱۰ ؛ الحجرات : ۱۲ ؛ النسأ : ۱۶ . (۵۲) : الرحمن : ۲۷ ، ۷۸ . (۵۳) : یونس : ۳۱ ؛ الاعراف : ۵۴ ؛ الطلاق : ۱۲ ؛ الروم : ۲۵ ؛ حم سجده : ۱۲ . (۵۴) : الانبیأ : ۲۲ ؛ المومنون : ۷۱ ؛ البقره : ۲۵۵ ؛ آل عمران : ۲ ؛ طه : ۱۱۱ . (۵۵) : الانبیأ : ۳۵ ؛ آل عمران : ۲۶ ؛ الانعام : ۱۷ ؛ یونس : ۱۰۷ ؛ فاطر : ۲ . (۵۶) : البقره : ۱۱۵ ؛ الحدید : ۴ ؛ المجادله : ۷ . (۵۷) : الانعام : ۵۹ ، ۷۳ ؛ التوبه : ۹۴ ؛ الرعد : ۹ ؛ المومنون : ۹۲ ؛ العنکبوت : ۶۲ . (۵۸) : البقره : ۲۳۴ ؛ آل عمران : ۱۵۳ ؛ المایًده : ۸۵ ؛ الانعام : ۱۸ ؛ التحریم : ۳ . (۵۹) : فاطر : ۵۵ ؛ محمد : ۳۸ . (۶۰) : الاخلاص : ۲ ؛ البقره : ۲۶۷ ؛ آل عمران : ۹۷ ؛ الانعام : ۱۳۳ ؛ التغابن : ۶ . (۶۱) : البقره : ۱۸۶ ؛ المومن : ۶۰ ؛ النمل : ۶۲ ؛ هود : ۶۱ ؛ الصافات : ۷۵ . (۶۲) : الانفال : ۹ . (۶۳) : البقره : ۱۵۰ ؛ المایًده : ۳ ؛ الرعد : ۲۱ ؛ الانبیأ : ۴۹ ؛ الاحزاب : ۳۹ . (۶۴) : الجن : ۱۸ . (۶۵) : الفلق : ۱ ؛ الناس : ۱ ـ ۳ . (۶۶) : الکهف : ۱۱۰ . (۶۷) : البقره : ۱۶۵ ؛ التوبه : ۲۴ ؛ المایًده : ۵۴ ؛ آل عمران : ۳۱ . (۶۸) : الاحزاب : ۴۱ ؛ الجمعه : ۱۰ ؛ البقره : ۱۵۲ ، ۱۷۲ ؛ العنکبوت : ۱۷ ؛ لقمان : ۱۲ . (۶۹) : الملک : ۲ ؛ آل عمران : ۵۶ ؛ الاعراف : ۵۸ ؛ التوبه : ۱۱۶ ؛ الحدید : ۲ . (۷۰) : الشوری : ۴۹ ؛ الانبیأ : ۹۰ ؛ آل عمران : ۳۸ ؛ مریم : ۵ ؛ ص : ۳۰ . (۷۱) : الحدید : ۳ ؛ الرحمن : ۲۷ ؛ ق : ۱۵ ؛ حم سجده : ۲۱ ؛ یونس : ۷۹ . (۷۲) : الاخلاص : ۳ ؛ الفرقان : ۲ ؛ الصافات : ۱۵۱ ـ ۱۵۲ ؛ النسأ : ۱۷۱ ؛ مریم : ۳۵ ، ۹۲ . (۷۳) : الصافات : ۱۵۸ ؛ الانعام :۱۰۱ ؛ الجن : ۳ . (۷۴) : النسأ : ۳۴ ؛ الاسرأ : ۴۳ ؛ الرعد : ۹ ؛ الحج : ۶۲ ؛ لقمان : ۳۰ . (۷۵) : الانعام : ۱۶۳ ؛ الاسرأ : ۱۱۱ ؛ الفرقان : ۲ ؛ الاعراف : ۱۹۰ ؛ التوبه : ۳۱ . (۷۶) : الشوری : ۱۱ ؛ الاخلاص : ۱ ؛ النحل : ۱۷ ؛ الاعراف : ۱۹۱ . (۷۷) : البقره : ۱۶۵ ؛ المایًده : ۵۴ ؛ التوبه : ۲۴ ؛ الانعام : ۱۶۲ . (۷۸) : الفاتحه : ۱ ؛ البقره : ۷ ؛ آل عمران : ۱۲ ؛ النسأ : ۵ ؛ الاخلاص : ۱ . (۷۹) : الفاتحه : ۱ ؛ البقره : ۲۱ ؛ آل عمران : ۵۱ ؛ النسأ : ۱ ؛ المایًده : ۲۸ . (۸۰) : الاعراف : ۱۵۶ ؛ حم سجده : ۷ ؛ المومن : ۷ ؛ الزمر : ۵۳ ؛ الانعام : ۱۲ . (۸۱) : البقره : ۱۸۶ ؛ النمل : ۶۲ ؛ المومن : ۶۰ : الشوری : ۲۶ . (۸۲) : آل عمران : ۳۱ .