(دځوانيمرګ عبدالله خيال دشعر پر مځکه)

سلامونه؛
خوږو او زړۀ ته راتيرو يارانو په ښاديو ښاد اوسی،
ستاسو له غوښتني سره سم خپل احساس درسره شريکوم،مانا د ځواني مرګ شاعر ملګري ” عبدالله خيال ” د شعر پر مځکه خپله غزل په ډېر درنښت درلېږم،
په احترام
عادل اڅکزی/چمن پښتونخوا

 
(دځوانيمرګ عبدالله خيال دشعر پر مځکه) 
غزل
سوز منه اوښکه يم څڅېږم بيا ارمان ونه کړې
په سپېرو خاؤرو کي جذبېږم بيا ارمان ونه کړې

لکه شبنم د يوې شپې پر پاڼه ژوند تېروم
په لمر ختو کي فنا کېږم بيا ارمان ونه کړې

پرې سوي پښې که دي په وران وجود راپوري نکړې
د شل په نوم به تل يادېږم بيا ارمان ونه کړې

د يزيد غشو د حسېن په وينو ځان اوبه کړ
غمجن داستان يم تکرارېږم بيا ارمان ونه کړې

عادله ؛ ځه چي له تيارو څخه په ګډه وځو
کنۍ د مرګ کومي ته لوېږم بيا ارمان ونه کړې
١٥ مارچ ٢٠٠٨م کال (چمن)
عادل اڅکزی