لراوبر ویب پاڼه لراوبر يو افغان – تازه خبرونه
له خوست نه مخ په میرانشاه چې اوږده غرنۍ لاره ووهې ، ګلام خان ته نارسیده د ترخوبي سیمه راځي چې امریکایان په کې یوه پخه قرارګاه لري ، په دې سیمې کې به پخوا هره ورځ طالبان او امریکایان سره ښخ وه ، ترداچې وزیرو داټپه شړلې وه چې . . . دترخوبي په غاړه جنګ دی . . . زیړي ځوانان په مرګي غېږې بدلوینه . .
نن سبا خبرونه وایي چې یوځل بیا دترخوبي په غاړه جنګ لګیدلی ، خو دا ځل زیړي طالبان له سرو انګریزانو سره په جنګ نه دي بلکې دکرزي کاکو برګ سرحدیان یې له تورو پنجابیانو سره معلوموي .
پخواني افغان ملتیان او اوسنی زوذات یې که راټینګ کړې او ورته ووایې چې ولې له امریکا او پرنګیانو سره جهاد نه کوئ ، دوی به درته ووایي موږ یوازې یو دښمن لرو چې هغه پاکستان دی ، که له پاکستان سره جنګ ولګېد بیا به تاسو زمونږ دتورې شړنګ ووینئ .
خو دخدای ترکارومې جار کړې ، دادی هغه ساعت یې راووست چې زمونږ له افغان ملتیانو نیولې ، بیا ترکمونیستانو او دنظار شورا تر سربکفانو پورې ټولو ورته خپله میړانه ذخیره کړې وه ، اوس به معلومه شي چې له امریکایي زبرځواک سره په جنګیدونکو طالبانو دبي همتۍ ټاپه وهونکي په خپله ترکومه بریده ننګیالي دي ، او رښتیا هم دایثار او قربانۍ کومه جذبه قدرې لري که هسې دقالینې پړانګان دي .
تراوسه خو خدای حاضر دی چې دساتلې تورې دپړک کوم څرک یې نه لګي ، یوشمیر مطبوعاتي لاپه وهونکو هم پرته له دې چې په ځینو لیکنو باندې خپل شنګ وښيي ، نور یې چندانې اور نه ده اخیستی ، او ترټولوعجبه خویې لا داده چې ځینې یې ترژبه لاندې په دې موضوع کې هم په طالبانو پورې کوي .
ها آبله ورځ یوه راته ویل چې طالبان ولي له پاکستان سره جنګ نه کوي ، ماورته وویل چې ته به نه یې خبر ملامحمد عمر له تیرو لسوکلونو راهیسې له پاکستان سره په تاکتیکي جنګ او سوله بوخت دی ، هغسې جنګ چې ښایي تاسو یې تصور هم ونه کړای شئ ، تاسو داوس خبره کوئ ، خو دملامحمد عمر طالبانو اته کاله وړاندې دوزیرستان په میرعلي ، خوشالي ، رزمک ، شوال ، واڼه او نورو سیمو کې د متجاوزوپنجابي سرتیرو په مړو کندې ډکې کړې وې .
دابه ښایي ستاسو ترفهم لوړه وي چې دملامحمد عمر طالبانو دوزیرستان په لده او مکین کې د ډاکې ترسقوط وروسته په تاریخي لحاظ دپاکستان ترټولو ډیر ۳۰۰ پوځیان سلامي کړل ، دغه راز یې په بیا بیا متجاوزو پنجابي سرتیرو ته دعبرت درسونه ورکړل .
په دې اړوند په ځیني دا تعلل کوي چې نه داخوپاکستاني طالبان دي ، دغو ښاغلو ته به ووایو چې که خبره دجغرافیې وي دا خوتاسو هم منئ چې . . له آمو نه تر اټکه . . ده زما دنیکه ځمکه . . او که خبره داتباع معتبره وي نو ښایي په دې تاسې هم علم ولرئ ، چې ګل بهادر او حکیم الله مسود دملامحمد عمر هر امر په شپه او ورځ مني ، او هم یې دخپل ستر رهبر په توګه اتباع کوي .
داچې دملامحمد عمر او پاکستاني رژیم دتاکتیکي جنګ او سولې فلسفه او واقعیت څه دی په دې اړه به ان شاءالله په راتلونکې کې رڼا واچوو ، خو دلته په زغرده اعلانوم چې هغه طالب چې دنړۍ دستر فرعون جورج ډبلیوبوش په وړاندې یې سترګې برندې وساتلې ، او دمیړانې د ازمیښت چیلنج یې ورکړ هیڅکله باید څوک دغلام دغلامۍ شک پرې ونه کړي ، داحقیقت به زمونږراتلونکی تاریخ روښانه کوي ، دغه راز به دقیامت په ستره ورځ هلته چې له دروغو نه رښتیا جوړونکې مطبوعاتي ژبې ګونګې وي ، دا حقیقت به ان شاءالله په سمه توګه روښانه شي . . په هرحال
دافغانستان په پولو دپاکستاني سرتیرو راکټي بریدونو ته پام سره ( چې دکابل حکومت واذنابهم یې دجګړې پیل بولي ) دهمدغو مطبوعاتو او شعاري توریالیو سوړ غبرګون په روښانه جوتوي ، چې دا ښاغلي ترکومه حده دپیومجنونان او په خپلو اتش فشاني شعارونو کې دروغژن دي .
دسردار داود خان دپښتونستان دپروژې اوشعاربازۍ په اړه خو دافغانستان وتلي او سترګور سیاستوال
شهیدموسی شفیق دهغه وخت دافغان ملت له جریدې سره په مرکه کې ویلي وه ، چې داشعاربازي دنورو په دیکته او پردیو موخو لپاره ترسره کیږي ، او دده په اټکل داودخان به که خیر وه دپښتونستان دګټلو لپاره افغانستان هم وبایلي ، دده اشاره دې ته وه چې روسان غواړي په جنوبي پولو کې دجنجال پیدا کولو له طریقه په افغانستان برید ته پلمه جوړه کړي .
اوس هم چې په افغانستان کې دمشهودویرغلګرو په وجود کې دافغانانو برحق او روا مقاومت ترپاکستان پورې تړل کیږي ، او ټوله مطبوعاتي توجه همدې ته اړول شوې ترڅو طالب او پاکستان سره لازم او ملزوم ثابت کړي ، جوتیږي چې ساده افغان ملتیان یوځل بیا دنورو لپاره لوبیږي ، اوپه خپلو شعارونو کې شعوري او صادق نه دي ، دپښتونستان داعیه په خپل ځای ، خو اوس چې افغانستان دسقوط او تجزیې له بحران سره لاس او ګریوان دی ، اوبله خوا امریکایان ددایمي اشغال خوبونه ویني ،همدغه ډله افغانان باید سر خلاص کړي اوپه دې باید پوه شي چې . . بې له تورې خلاصی نشته په بل کار . . له امریکایي بربنډ اشغال څخه دخلاصون افغاني مبارزه بې له هغې هم دبري ترمنزله رسیدونکې ده ، ان شاءالله نور افغانان په دې توانیدلي چې دنړۍ رأس الکفر راپه ګونډو کړي ، چې ددې ارمان له سرکیدلو سره به یې سیمیز منافقین هغه چې دافغانانو له بدې ورځې بدې استفادې کوي ، زیړې سترګې پاته شي ، په داسې وضعیت کې دا دهرمسلمان افغان فریضه ده ، چې هم دامریکایي یرغل او هم دسیمیزو منافقینو له ضرر څخه دخپل هیواد په ساتنه کې خدای ورکړی وس ونه سپموي .
په همدې هیله
