لراوبر ویب پاڼه لراوبر يو افغان – تازه خبرونه
د ادبي ناستې د تېرې غونډې دپرېکړې پر بنسټ د ادبي ناستې ګڼ شمېر غړو پرون د پسرلنۍ مشاعرې په نوم يوه شانداره غونډه وکړه ،نوموړې غونډه د اوسلو ښار ته څېرمه په يو طبيعي پارک کې د مازديګر پر شپږو بجو د ښاغلي زهير خان پکتين په وياندۍ پيل شوه .
د غونډې په پيل کې مشر او سپين ږيري شاعر ښاغلي حاجي محمد اسحاق امانزي يو څو وطني شعرونه ولوستل چې البته د ګډونوالو له خوا يې تود هرکلی وشو، تر ښاغلي امانزي وروسته يو شمېر ځوانانو او مشرانو په نوبت خپل نظريات څرګند کړل.
د ناستې په دويمه برخه کې ښاغلي مجيد اميري په خپل خواږه غږ کې د پښتو ژبې خوږې ټپې او يو شمېر ملي اشعار د رباب او منګي سره زمزمه کړل، پاتې دې نه وي چې د سويډن ، نه راغلي مېلمه او د خيبر ټلويزيون استازي ښاغلي وارث خان هوتک ژمنه وکړه چې ډېر ژر به د ادبي ناستې دا پروګرام مينه والو ته د خيبر له لارې خپور کړي٠ نوموړې غونډه چې د ښاغلي اجمل اټک يوسفزي په بلنې او کوربتوب جوړه شوې وه ، د شپې پر نهو بجو پای ته ورسېده٠
