لراوبر ویب پاڼه لراوبر يو افغان – تازه خبرونه
د حزب اسلامي افغانستان امیر او دهیواد د ازادۍ او استقلال د لارې ستر مجاهد، محترم انجنیرحکمتیار ته دخواخوږۍ پیغام .
بسم الله الرحمن الرحیم
انا لله و انا الیه راجعون
دروند ، محترم او ویاړلې مشر ورور!
السلام علیکم ورحمة الله وبرکاته .
په ډيرتاسف سره مو خبر ترلاسه کړ ،چې ستاسې وراره، تنکې ځوان او د الله د لارې نومیالې مجاهد، حبیب الله شهاب د بین المللې ښکیلاک د فوځونو په لاسو د وردګو په ولایت کې په شهادت رسیدلي ، که د یوه اړخه خپل ځان له تاسې اوستاسې ددرنې او محترمي مجاهدی کورنۍ سره ددغه دروند شهید د شهادت په اړه په غم او ژور خفګان کې شریک ګڼم او ټولو ته د الله تعالی د دربار څخه دجمیل صبر غوښتونکي يم ،ترڅنګ یی د الله تعالى څخه نوموړي ته د اسلامي انقلاب د ټولو پاکو شهیدانو سره یو ځاې د جنت الفردوس تمنا اوهیله لرم ، په دې هم ډاډمن یم چې د دې مبارک شهید او ددې تر څنګ به زمونږ د ولس د نورو مظلومو شهیدانو د وینو په برکت الله تعالې زمونږ هیواد د سوکالۍ او داسلامي غښتلي خپلواکه نظام خاوند کړي. الله تعالي دې تاسې او ستاسې درنې کورنۍ ته د نوموړي د شهادت ددې دروند غم د پورته کولو همت ورکړي .
امین
ورور مو
قریب الرحمن سعید
دجمعي مبارکه ورځ ، د اپریل ۲۲مه ، ۲۰۱۱ کال
