لراوبر ویب پاڼه لراوبر يو افغان – تازه خبرونه
په خوست کې ددې ترڅنګ چې د ښځو نړيواله ورځ ولمانځل شي په خوست ښار کې د ښځو لپاره يو ځانګړي پارک چې نوی جوړ شويدی ګټې اخستنې ته وړاندی کړي شو .
د نوموړي پارک په اړه د خوست ولايت د ښځو چارو ريسې روګل ځدران وويل چې دغه پارک د خوست ښار په زړه څلور جريبه ځمکه کې د سل زره امريکايي ډالرو په لګښت جوړ شوی ، چې نيم يې دخوست ښاروالۍ او نور يې په خوست کې د ولايتي بيا رغونې ډلې لخوا ورکول شوي
ځدران زياته کړه پدغه پارک کې د نورو اسانتياو ترڅنګ د ښځو لپاره جومات ،تشنابونه او ځانګړي پلورنځايونه هم جوړ شوي .
د خوست ولايت د تڼيو ولسوالۍ اوسيدونکی مريا وايي د ياد شوي پارک په جوړيدو سره به د ښځو هغه ستونزې چې وړاندې لدې ورسره په ښار کې لاس اوګريوان وې راکمې کړی شي او په مهال به په ښارکې خپلې چارې سرته ورسوي .
د يادولو وړ ده تر دې وړاندې په خوست کې دښځو لپاره ځانګړی داسي ځای چې يوازې په ښځو پوري ځانګړی وي نه وو موجود .