لراوبر ویب پاڼه لراوبر يو افغان – تازه خبرونه
لیکنه : علامه محمدناصرالدین الالباني (رحمه الله)
ژباړه : مؤمن مهاجر(muhajir222@yahoo.com)
د توحيد کلمه د اسلام لومړی رکن دی :
له ابن عمر رضی الله عنه څخه روايت دی چي رسول الله صلی الله عليه وسلم وويل :
( بنی الاسلام علی خمس شهادة ان لا اله الا الله وان محمداً رسول الله صلی الله عليه وسلم واقام الصلاة وايتاء الزکاة والحج وصوم رمضان ) ( بخاري ، کتاب الايمان ، باب دعائکم ايمانکم ، مسلم (۱۶) ، ترمذي (۲۶۱۲) ابن خزيمة ۳۰۸)
ژباړه : د اسلام بنسټ پر پنځو شيانو ايښودل شوی دی دا شاهدي ورکول چي له الله پرته هيڅ د عبادت لائق نه شته او يقيناً محمد ( صلی الله عليه وسلم ) د الله رسول دی ، لمونځ کول ، زکات ورکول ، حج کول او د رمضان د مياشتې روژه نيول .
د توحيد کلمه د اسلام لومړنی دعوت دی :
( ان النبی صلی الله عليه وسلم الی اليمن فقال : ادعهم ای شهادة ان لا اله الا الله وانی رسول الله فان هم اطاعوا لذالک فاعلمهم ان الله قد افترض عليهم خمس صلوات فی کل يوم وليلة فان هم اطاعوا لذالک فاعلمهم ان الله افترض عليهم صدقة فی اموالهم توخذ من اغنيائهم وترد علی فقرائهم ) ( مسلم ، کتاب الايمان ، باب الدعاء الی الشهادتين وشرائع الاسلام ، بخاري ( ۱۳۹۵) ، ابوداؤد (۱۵۸۴) ترمذي (۶۲۵) ابن ماجه (۱۷۸۳)
ژباړه : له ابن عباس رضی الله عنه څخه روايت دی چي رسول الله ( صلی الله عليه وسلم ) يمن ته ولېږی ورته ويې ويل : دوئ دې ته راوبوله چي له الله پرته بل د عبادت لائق نه شته او زه د الله رسول يم که يې دا ومنله نو ورته ووايه چي الله په شپه او ورځ کښي پنځه لمنځونه پرې فرض کړي دي ، که یې دا ومنله نو بيا ورته ووايه چي الله د دوئ په مالونو کښي زکات فرض کړی دی چي د دوئ له شتمنو به اخيستل کېږي او د دوئ پر مسکينانو به وېشل کېږي .
د توحيد له عقيدې څخه د منکر پر خلاف د جګړې امر :
له ابو هريرة رضی الله عنه څخه روايت دی چي رسول الله صلی الله عليه وسلم وویل :
( امرت ان اقاتل الناس حتی یشهدوا ان لا اله الا الله ويؤمنو بی وبما جئت به فاذا فعلوما ذالک عصموا منی دمائهم و اموالهم بحقها وحسابهم علی الله ) ( مسلم ، کتاب الايمان ، باب الامر بقتال الناس حتی يقولوا لا اله الا الله )
ژباړه : ما ته له خلکو سره تر هغو د جګړې حکم شوی چي د لااله الا الله شاهدي ورکړي او پر ما ايمان راوړي که یې داسي وکړل نو خپل ځانونه او مال یې له ما وساته مګر د حق په بدل کښي (يعني د قتل ، قصاص ، ارتداد او زنا د سزا په بدل ډول ) او د دوئ د اعمالو حساب د الله پر ذمه دی .
د توحيد له عقيدې منکر ته د قیامت په ورځ هيڅ عمل ګټه نه کوي :
( قلت یا رسول الله ابن جدعان کان فی الجاهلية يصل الرحم ويطعم المسکين فهل ذاک نافعه قال : لاينفعه انه لم يقل يوما رب اغفرلی خطيئتی يوم الدين ) (مسلم ، کتاب الايمان ، باب الدليل علی ان من مات علی الکفر لاينفعه عمل )
ژباړه : له عائشې رضی الله عنها څخه روايت دی چي ما وويل : اې د الله رسوله ! ابن جدعان د جاهليت په وخت کښي صله رحمي کوله او مسکينانو ته یې خوراک ورکاوی ايا دا کار به ګټه ورته وکړي؟. رسول الله صلی الله عليه وسلم وويل : ده ته به هيڅ عمل ګټه ونه کړي ځکه ده هیڅ وخت دا ونه ويل چي د قيامت په ورځ زما ګناه معاف کړې .
د توحيد له عقيدې منکر ته تر مرګ وروسته د بل هيچا عمل ګټه نه کوي :
عمرو بن شعيب له خپل پلار او هغه له خپل جد څخه روايت کړی چي :
( ان العاص بن وائل نذر فی الجاهلية ان ينحر مائة بدنة وان هشام بن العاص نحر حصته خمسين بدنة و ان عمراً سأل النبی صلی الله عليه وسلم عن ذالک فقال : اما ابوک فلو کان اقر بالتوحيد فصمت وتصدقت عنه نفعه ذالک ) ( السلسلة الصحيحة (۴۸۴) ، مسند احمد ( ۲ / ۱۸۱ )
ژباړه : عاص بن وائل د جاهليت په وخت کښي د سلو اوښانو د قرباني کولو نذر ايښی وو ، هشام بن العاص د خپلې برخې پنځوس اوښان قرباني کړل ، عمرو بن العاص له رسول الله صلی الله عليه وسلم څخه په دې اړه پوښتنه وکړه نو رسول الله صلی الله عليه وسلم وویل : که ستاسو پلار د توحيد اقرار کړی وای که بيا تاسو د هغه له لوري روژه نيولې او خيرات کړی وای نو ثواب يې ورکول کېدی ( نو څرنګه چي هغه د توحيد له عقيدې پرته مړ شوی وو ځکه به نو ستاسو هيڅ عمل هغه ته ګټه ونه رسوي . )
د توحيد له عقیدې منکر ته د رسول الله صلی الله عليه وسلم خپلوي هم ګټه نه کوي :
ابو هريرة رضی الله عنه وايي چي رسول الله صلی الله عليه وسلم وويل :
( يا معشر قريش اشتروا انفسکم لا اغنی عنکم من الله شيئاً يا بنی عبد مناف لا اغنی عنکم من الله شیئاً يا عباس بن عبد المطلب لا اغنی عنک من الله شيئاً ، يا صفية عمة رسول الله لا اغنی عنک من الله شيئاً و يا فاطمة بنت محمد سليبنی ما شئت من مالی لا اغنی عنک من الله شيئاً ) ( بخاري ، کتاب الوصايا ، باب هل يدخل النساء والولد فی الاقارب )
ژباړه : اې قريشو ! ( د توحيد د عقیدې په خپلولو ) خپل ځانونه واخلئ (وژغورئ! ځکه چي ) زه د الله په وړاندي ستاسو لپاره هيڅ کار نه شم کولای اې د عبد مناف زامنو ! زه ستاسو لپاره هیڅ نه شم کولای ، اې د عباس او عبدالمطلب زامنو ! زه د الله په مخ کښي ستاسو لپاره هیڅ نه شم کولای ، اې زما عمه صفيې ! زه د الله په وړاندي ستا لپاره هیڅ نه شم کولای او اې زما لوري فاطمې ! زما له مال څخه چي هر څه غواړې ویې غواړه خو د الله په مخ کښي درسره هیڅ نه شم کولای .
د توحيد د عقيدې منکر تل دوزخي دی :
له عبدالله بن مسعود رضی الله عنه څخه روايت چي رسول الله صلی الله عليه وسلم وويل :
( من مات يجعل لله نداً ادخل النار )
ژباړه : څوک چي له الله سره د شرک کولو په حال کښي مړ شي نو اور ته به ننوزي .
