نوی غزل

اوس چې دې سترګو ته د زړه د درد قیصه نه کیږي
هم مې ترې زړه نه کیږي هم مې ورته زړه نه کیږي
ماته په دې کې څه ګناه ده اشنا ته اووایه
چې دې د سپین مخ نه د تور زړه اندازه نه کیږي
زما د کور څوکیدار موړ دی او زه وږی یمه
نوره مې خدایګو په دې کور کې ګوزاره نه کیږي
محبوبې بیا په وطن جنګ دی ایجازه راکوه
اوس رانه ستا د وربل سیوري ته دمه نه کیږي
ګور ځنګلونه ډک سیندونه معدني کانونه
مونږ ترې محروم یو ګنې دې خاوره کې څه نه کیږي
د خپل کلتور څلي ته ځکه عندلیب وژړل
جرګه مار ډیر دي په دې قام کې خو جرګه نه کیږي
10/3/2011