غزني: د کډوالو ښارګوټي مځکي نشي پلورل کېداى

دغزني ولايت دکډوالو اوبيرته راستنيدونکوچارو رياست چارواکي وايي وروسته له دي هيڅوک ددغه ولايت دکډوالو په ښارګوټې کې دپلورلو او اخيستلو حق نه لري .
دنوموړي ولايت دکډوالو چارو رياست وايي دولسمشرحامدکرزي ديوسلو څلورم فرمان له مخې هيڅوک تر راتلوونکي لسو کلونو پوري ددغه ولايت دکډوالو په ښارګوټي کې دځمکودخرڅلاو حق نه لري .
نوموړى ټينګار کوي ددغه فرمان له سرغړونکو سره به قانوني چلند وشي .
دا په داسې حال کې ده چې دغزني دکډوالو په ښارګوټې کې ميشت اوسيدونکي دښوونځيو او روغتونونو له نشتوالى شکايت کوي او له چارواکو ددغه ښارګوټي دپراختيا غوښتونکي دي.