لراوبر ویب پاڼه لراوبر يو افغان – تازه خبرونه
د پژواک خبري اژانس د خبر له مخې دغه بريد نن سهار د کابل د سروبي په ولسوالۍ کې ترسره شوى دى.
د افغانستان د کورنيو چارو وزارت وياند زمري بشري بريد مني خو وايي چې،د وزير پر گاډي نه د پوليسو پر رنجر موټر ترسره شوى دى.
د ښاغلي بشري د وينا له مخې د دوى کاروان په خوندي توگه لغمان ته رسيدلى او په دغه بريد کې هپچا ته هم زيان نه دى رسيدلى.
بشري پژواک ته نه دي ويلي چې،دوى د کومې موخې لپاره لغمان ته تللي.
د کابل جلال اباد لويه لاره وخت ناوخت د اسې پيښو شاهده وي په دغه سيمه کې د طالبانو سربيره ډيرى د دولت مخالف گوند حزب اسلامي کسان هم فعاله شتون لري.
تراوسه د دغه بريد مسوليت چا نه ده منلى.