وسله والوطالبانو په افغانستان کې تليفوني شبکو ته اختارورکړ

وسله والوطالبانو ديوې خبرپاڼي دخپرولو په مټ خبر ورکړ چې ټولي تليفوني شبکې به په افغانستان کې خپل فعاليت يوازي دورځي له مخه کوي . دطالبانو يوه وياند قاري يوسف احمدي په ږغيزه اعلاميه کې لراوبر ويپاڼي ته وويل چې دافغانستان ټولي ګرزنده تليفوني شبکې به دسهار له اوو بجو دماښام تر پنځو بجو فعاليت کوي . دده په وينا چې نړۍ وال ځواکونه له تليفوني شبکو څخه دجاسوسي کار اخلي او په دغه ټول وسله وال طالبان او دقاري يوسف په وينا عام وګړي په نخښه کوي . دى وايي چې که موبايل شبکې دا کارونه کړي دوى به يې په خلاف ګام اوچت کړي . په اعلاميه کې په افغانستان کې تليفوني شبکو ته درې ورځي وخت ورکول شوى که يې دطالبانو دغه پرېکړه ومنله ښه کنه دخبرپاڼي په وينا طالبان به يې دفترونه او انتنونه تخريب کړي . تليفوني شبکو او افغان حکومت لا تراوسه دغه خبرپاڼي ته خپل غبرګون نه دى ښودلى .