لراوبر ویب پاڼه لراوبر يو افغان – تازه خبرونه
هلته د کڅ په غاړه
ښکلې سپر لی راغی
چې د سهار وږمو يې
د شنو پټو په منځ کې
يو ښکلې ګل و غوړ اوه
ګل دفطرت لمن کې
داسې را و غوړيده
چه د تور غره څوکو يې
تل نندارې کولې
ها داسې و رنګيده
چه دښکلا د نندارو لپاره يې
دکابل سيند له خپل موجونو سره
له قهره وغورځيده
ها د ريدي او د غاټول ګلونو
ها د مرسلو او شبو ګلونو
داسې را ونازا وه
چه دګلونو منځ کې
دً ګل پاچا ً پاته شوو
ها دګلونو پاچا
هاغه د زړونو الفت
دومره وفا لرله
چه په ګل پاڼو کې يې
د ګلستان لپاره
دمرغلرو دانې
ښکلې را چاڼی کړلې
ها غه دګلو پاچا
هاغه د زړونو الفت
ها د پيړيو عظمت
مخ پر بيديا وخوځيد
بيا خداې خبر
چه کله بيا راځي ؟
ځکه له سترګو می
ژړا راځي !
— ——————————————————————————
٢١-٢ -٢٠٠٨ ويانا
