لراوبر ویب پاڼه لراوبر يو افغان – تازه خبرونه
د افغانستان د کورنيو چارو وزارت په غوښتنه د ولسمشر کرزي په تائېد جنرال علي شاه پکتياوال د ننګرهار د نوي امنيه قومندان په توګه ټاکل سوئ دئ.
جنرال پکتياوال دوه کاله دمخه د کابل په امنيه قومنداني کي له جنايي جرمونو سره د مبارزې د رياست مشر وو، چي د خپلي دندي پر مهال ډېر فعال مسئول بلل کېدى، چي د کابل ښاريانو په وينا د امنيت په ټينګولو، د غلو، خماربازانو، سړي تښتوونکو او غير قانوني وسله والو ډلو په مقابل کي يې ټينګي هڅي کولې.
جنرال پکتياوال له شاوخوا يو نيم کال راهيسي پر کور ناست وو.