لراوبر ویب پاڼه لراوبر يو افغان – تازه خبرونه
د ملګرو ملتونو د امنيت شورا استازي او د افغانستان په سهيلي حوزه کي د يادي ادارې مشر او ورسره پلاوي په کندهارکي د پلټونکو عملياتو وروسته د روان امنيتي حالت د څېړني په موخه کندهار ته سفر وکړ.
ياد پلاوي له غرمې ورسته د کندهار والي ډاکټر توريالي ويسا سره د هغه د کار په دفتر کي وکتل او د کندهار ښار او ولسواليو اوسنۍ امنيتي حالت يې ښه وباله ولي يوازينۍ ستونزه چي پلاوي د ځان لپاره ديوې ليې ننګوني په توګه ياده کړل هغه د سړک غاړي بمونه دي چي ډير وختونه ورڅخه د افغان دولت وسله وال مخالفين ګټه پورته کوي.
کندهار والي پوهنوال ډاکټر توريالي ويسا په خپلو خبرو کي په دې ولايت کي امنيتي حالت د د خپلو لومړنيو ورځو او مياشتوپه پرتله اوسنۍ حالت ښه ياد کړ ځکه دده په وينا چي حتى د روان زېږېديز کال په لومړيو مياشتو کي هم د دولت وسله وال مخالفين د کندهار په نژدې ولسواليو پنجوايي او ارغنداؤ کي ډېر فعال ول چي اوس يې ټول پټنځايونه له منځه تللي دي .
کندهار والي له ياد پلاوي سره په ليدنه کي د ملګرو ملتونو د مرستو په اړتيا ټينګار وکړ خو په کندهار کي د هغوى له خوا د څلورمي امنيتي مرحلې اعلانول غير عادلانه وبلله .
هغه وويل چي دوى په کندهار ولايت مقام کي اوونيز امنيتي او پرمختيايې مجلسونه لري او دملګرو ملتونو استازي که چيري غواړي د امنيتي او پرمختيايې چارو په اړه معلومات تر لاسه کړي نو په يادو مجلسونو کي دي ګډون وکړي خو په يوه شرط چي ګډون کوونکى استازى بايد تصميم نيوونکى وي.