د مرحوم جنرال غلام محمد لودین د فاتحې خبرتیا

د مرحوم جنرال غلام محمد لودین د فاتحې خبرتیا

په خواشینۍ سره د  د افغانستان د هوايي  ځواکونو پخواني پیلوټ او د ملي شورای د مشرانو د جرګې امنیتي مسول الحاج جنرال غلام محمد لودین د تلې د میاشتې د یوویشتمې نېټې په سهار  د ورپېښې ناروغۍ له امله له دې نړۍ سترګې پټې کړې .

خدای بښلی  لودین  یو پر وطن میین شخص و چې  کلونه کلونه یې  د افغانستان د هوايي ځواک لپاره خدمت کړی  و.  نوموړی پر پوځي دندې سربېره  یو ټولنیز شخصیت هم و.

 د اروښاد فاتحه د شنبې په ورځ په دریېمو مکروریانو کې بخارخانې ته مخامخ ، شینو زاده روغتون څېرمه  د ابوبکر صدیق (رض) په جامع جومات کې  د خدای بښلي د کورنۍ ، د افغانستان دملي شورا او د لوګر ولایت د خلکو د شورا له خوا اخیستل کېږي .

  دوستان او خوا خوږي دې خبر وي