لراوبر ویب پاڼه لراوبر يو افغان – تازه خبرونه
په ولایتي شل اوریزو سیاليو کې د ۲۴ ولایتونو لوبډلو څخه اتو پیاوړو لوبډلو منځ لوبو ته لاره پیدا کړې.
نن د اکتوبر په ۷ نېټه څلور لوبډلې لوبه کوي. د لوګر ولایت لوبډله د پکتیا لوبډلې سره او د خوست لوبډله د پنجشیر لوبډلې سره د نیمو پایلو لپاره لوبه کوي.
لومړۍ لوبه به د سهار په ۹ بجو د لوګر او پکتیا تر منځ تر سره کیږ، دویمه لوبه د خوست او پنجشیر لوبډلو تر منځ د کابل په وخت ۱:۳۰ بجه پیل کیږي.
د ولایتي سیالۍ پاتې لوبې به په فیس بوک کې د افغان کرکټ بورډ د مینوالو په پاڼه شېبه په شېبه خپریږي.
همدارنګه به په فیس بوک کې د افغان کرکټ بورډ د مینوالو په پاڼه د ملي لوبډلې لوبه د کینیا سره د کرکټ مینوالو شېب په شېبه وړاندې کیږي.
لاندي غوره لوبډلو منځ لوبو ته لاره موندلې:
پکتيا، لوګر
پنجشېر، خوست
ننګرهار، کندهار
کونړ، ميدان وردګ
د اکتوبر پر اتمه به ننګرهار له کندهار سره او کونړ له ميدان وردګو ولايت سره بخت و ازمويي.
ټاکل سوې چي نيمه پايلوبي پر نهم اکتوبر او پايلوبه پر لسم اکتوبر ترسره سي.
