خبري مه کوه

خبري مه کوه

تـــا خو د دردو پـــه يادېــدو ســـر را چپــــه کړلــی

مــــوږ تـــه درمان وايـــه ، د رنــځو خبري مـــه کـــوه
…
پـوه يـو چي تــور بخت د ښامار خولې ته اچولي يو

لار د خلاصـــون وایــه، دغـاښــــو خبـــــري مه کوه

ښــه راته مـعلومي کار نامې د خپل نيکونــــو دي

پــا يــله د ځــان وايه ، د پلرو خبــــــري مـــــه کـوه

ملک آباد وو که څه په وس دي وي را وړاندي سه

لـږ تر لـږ د نـورو نــــړېدو خبـــــري مــه کــــــوه

تېـــر به سره هېر کړو، پر راتلونکي به سوچ ووهو

نــور نــــو د حســـرت، د ارمانـــــو خبـــــري مــه کوه

مــــوږ د خپـــــل تـــقديــر و بد لېــدلو ته مـلا وتړل

عــــزم مـــو دئ ټينــګ، د بــدلېدو خبــري مـه کوه

نيت چي وي سپېڅلی نو بری به مو په برخه سي

نـــن خـــو پـــر مــــیدان، د مـــاتېدو خبــري مه کوه