روڼ سهار

لیونی ومه هوښیارکړمه ستا مینی
هسی خوب ځینی بیدار کړمه ستا مینی
دخپل ځان او له جهانه بیګانه وم
له هرڅه نه خبردار کړمه ستا مینی
منصوری جذبه می زړه کی راپیدا شوه
هسی شان ته یی نامدار کړمه ستا مینی
ما هر څه پټ په خپل زړه کی ول ساتلی
درست جهان ته یی اقرار کړمه ستا مینی
تور تمونو دهجران کی وم ورک شوی
پاک سپیڅلی روڼ سهار کړمه ستا مینی
د (فیضی) له وسه تیری وی دا چاری
خپل پردوته چه اظهار کړمه ستا مینی

د 1389 کال د وږی دمیاشتی 8 مه نیټه
کابل – خیرخانه مینه