افغانستان له سکاټلینډ څخه یوه یو ورځنۍ لوبه وګټله

د افغان ملي لوبډلې له سکاټلینډ څخه یوه یو ورځینۍ لوبه وګټله او یوه یې وبایلله

د افغانستان لومړۍ یوه ورځینۍ لوبه د سکاټلینډ هیواد سره په ۱۶ د اګست و چې افغان ملي لوبډلې له سکاټلینډ څخه په ۹  ویکټو وګټله، په ۳۱ اورونو کې یې سکاټلینډیانو ته ټاکل شوی هدف ۲۲۴ منډې د یو لوبغاړي په سوزیدلو پوره کړ.

په توپ وهنه کې د افغان ملي لوبډلې لوبغاړو کریم صادق او شهزاد محمدې سلیزې ووهلې او په توپ وهنه کې شاپور ځدران ۳ او سمیع الله شینواري د سکاټلینډ ۲ لوبغاړي وسوځول.

دویمه یوه ورځینۍ لوبه چې د اګست په ۱۷ نېټه و، سکاټلینډ په ۶ ویکټو له افغانستان څخه وګټله، سکاټلینډیانو افغان ټول لوبغاړي په ۱۲۰ منډو په ۴۱ اورونو کې وسوځول. د سکاټلینډ هیواد ټاکل شوی هدف افغانانو ته په ۳۳ اورنو کې د ۴ لوبغاړو په سوزیدلو پوره کړ.

دویمه یوه ورځینۍ سیالۍ کې د افغان ملي لوبډلې د توپ وهنې په وخت اورښت د افغان لوبډلې د توپ وهنې مخه ډب کړه، همدا لامل و چې افغان لوبغاړي ژر ژر وسوځیدل او د منډو جوړول پکې خورا ګران و، خو کله چې سکاټلینډ توپ وهنه پېل کړه نو بخت ورسره یاري وکړه، اسمان شین شو او پیچ هم د توپ وهنې لپاره ورته برابر شو.

د یادولو وړ ده چې د سکاټلیډ هیواد سره دا دوه یو ورځینۍ سیالۍ دوستانه سیالۍ وې، ارزښتناکه سیالي د افغان ملي لوبډلې په دې سفر کې د انټر کانټینټل د جام څلور ورځینۍ سیالي و چې افغانستان پکې سکاټلینډ ته په ۲۲۹ منډو ماتې ورکړه، افغان ملي لوبډلې د دې  څلور ورځینۍ لوبې ۲۰ پوانټونه خپل  او د دې جام د ګډونکو ۷ هیوادونو په سر کې افغانستان ودراوه.

د افغانستان د لومړۍ یوې ورځینۍ لوبې د توپ وهنې بشپړه شمېر پاڼه:

د افغانستان د لومړۍ یوې ورځینۍ لوبې د توپ اچونې شمېر پاڼه:

 
 د سکاټلینډ سره د افغانستان د دویمې یوې ورځینۍ لوبې بشپړه شمېر پاڼه:

 د افغانستان د دویمې یوې ورځینۍ لوبې د توپ اچونې شمېر پاڼه: