لراوبر ویب پاڼه لراوبر يو افغان – تازه خبرونه
د فټبال د نړۍ والو مسابقو د نيمه پايلوبو دوهمه لوبه نن د جرمني او هسپانيې ترمنځ ترسره سوه، چي يو د صفر په مقابل کي د هسپانيې په ګټه پاى ته ورسېده.
د جرمني لوبغاړي د تېرو لوبو خلاف د نننۍ لوبي په پيل کي لا داسي معلومېده چي د لوبي له ګټلو څخه يې اميد ختلى وي. او هسپانوي لوبغاړو څو پرله پسې حملې پر وکړې.
د لوبي لومړۍ نيمايي بېله کوم ګول څخه پاى ته ورسېده، چي په دوهمه نيمايي کي پر ٧٤ دقيقه د هسپانيې دفاعي لوبغاړي په سر باندي ګيند وواهه او خپله لوبډله د فټبال د نړۍ والو لوبو په تاريخ کي د لومړي ځل دپاره پايلوبي ته ورسوله.
د جولاى پر ١١ به هسپانيه له هالنډ سره د اتلولۍ د ګټلو دپاره خپل بخت و ازمويي.