لراوبر ویب پاڼه لراوبر يو افغان – تازه خبرونه
د موټر جوړولو يوې امريکايي کمپنۍ خبر ورکړئ، چي بالاخره يې هغه خيالات په حقيقت بدلېدونکي دي چي د الوتکونکي موټر د جوړلو په هکله يې درلودل.
دې شرکت ويلي له ٢٠٠٦ کال راهيسي يې انجينرانو د يوه داسي موټر پر ډيزاينولو کار کاوه، چي د مځکي پر تګ سربېره والوتلاى سي.
کمپنۍ ويلي چي دغه موټر به شاوخوا دوه لکه ډالره بيه ولري، چلول يې د پېلوټۍ زدکړي نه غواړي، چلوونکى به يې تر شلو درسي ساعتونو وروسته د دې جوګه سي چي موټر وچلولاى سي.
کمپنۍ وايي الوتونکى موټر به د ٢٠١١ کال په پاى کي بازار ته وړاندي کړي، خو وار دمخه يې لا د ٧٠ عرادو فرمايشونه ترلاسه کړي دي.
د موټر جوړولو د کمپنۍ په وينا موټر به له هوايي ډګرونو څخه الوتنه کوي، پر مځکه په يوه ساعت کي ١٠٠ کيلومتره او په هوا کي ١٦٠ کيلومتره لاره وهلاى سي.