لراوبر ویب پاڼه لراوبر يو افغان – تازه خبرونه
کونړ:
داسمار په ولسوالۍ کې ملي پوليسو دوه ديرش نيمې کيلو افين په يوه کرولا ډوله موټرکې نيولي دي .
دغه نشه يي توکي داسمار دډمبرو په سيمه کې دلوې لارې په سرامنيتي څوکۍ پوليسو دنشه يي موادو سره دمبارزې پوليسو په همکارۍ نيولي.
دکونړ امنيه قومندانۍ دنشه يې توکو سره مبارزې مديريت امر دکشف اوتحقيق امان الله د کونړ ملي راډيو تلويزيون ته په خبرو کې وويل چې دغه افين دقاچاقبرو لخوا په يوه کرولا ډوله موټر کې ډير په مهارت اوزيرکتياسره ځاي په ځاى شوي و اوغوښتل يې چې د جلاله دسيمې څخه يې اسداباد اووروسته د څوکۍ ولسوالى ته انتقال کړي، خو دډمبر و په سيمه کې دامنيتي څوکۍ اونشې موادو سره دمبارزې دپوليسو لخوادموټرچلوونکي په ګډون ونيول شو چې داوخت دموټر چلوونکي څخه پلټنې روانې دي.
ديادونې ده چې تردې وړاندې هم دکونړ په لويو لاروکې دپوليسو څوکيو بيلابيل قاچاقي مواد نيولي دي.