په کندوز کې د غلو يوه ډله ونيول شوه

نن دکندوز امنيه قومانداني لخوا خبريالانو ته دغلو يوه ډله وښودل شوه چې تيره شپه ناوخته دياد ولايت په علي اباد ولسوالۍ کې دپوليسو له لورې نيول شوي وه .
دکندوز ولايت امنيه قوماندان جنرال محمدرزاق يعقوبې وويل : دوي ديو لړ مالوماتو پربنسټ 5 تنه وسلوال غله چې مشرې يي دعبدالغفار په نامه دهمدي ولايت يوتن کوله ديوعراده کرولا موټر، 2 ميله کلاشنيکوفونو، 2 لاسې بمونوچې 32 پارچې کيږي اوهمدارنګه 5 شاجورونو سره نيولې دي.
يعقوبې وويل : چې دغو غلو په دي وروستيو کې په لويو لاروکې خلک شکول او کله کله به دخلکو کورونو ته هم وراښتول.
دغلو ډله په کندوز کې په داسې حال کې نيول کيږي چې نږدي څومياشتې مخکې دکندوز تخار په لويه لاره خلکو دغلو دشتون نه سرټکاوه .