غزل

زړه کې مې ولاړ د ګوړې غرونه شي پیدا

راړنګه شي په غیږ کې ثوابونه شي پیدا

پاک لمنې پېغلې دجانان غیږې ته راشي

ماښام چې ستا په چم کې اذانونه شي پیدا

ورک شي د الله د اللهو پـــــــــــه غږ کې تن

را ټول یې ملایکې کړي سرونه شي پیدا

یارته به مې وړي وي ډالۍ بدګمان نه شئ

که غوڅ مې د هغې په در لاسونه شي پیدا

ته چې دجنت دحـــــــــــــــورو یاده کړې خبره

سست شم په بدن کې مې خوبونه شي پیدا

خدای راته راکړی دی کوثر د یارله سترګو

ساقي په یو نظر چې یې جامونه شي پیدا

منګل که داشنا له وجود لاس نه کړ چاپیر

ډېر زر به یې په غاړه تعویذونه شي پیدا