غزل

اور ته رڼا رابــــــــــاندې څـــــه له وايې ؟
دا ناروا راباندې څــــــــــــه لـــــه وايې ؟

اول به ستا پر تندي ګونځې راشي
رښتيا رښتيــا راباندې څه له وايې ؟

يو ځل مې ووې ،چې زه ګرم يم کنه
تـــــه يې نو بيا راباندې څه له وايې ؟

ځنې خبـــــرې د زړه رنـــــځ ډېروي
راز د ژړا رابانـــــــدې څه له وايې ؟

پر زړه پرهر د زړه مالــــک جوړوي
زړګيه دا راباندې څه لـــــــه وايې ؟

د جينکو پټې کيسې جـــــــلالـــه !
اوس برالا راباندې څه له وايې ؟